فاریاب محلی مسؤوللری‌نینگ ایتیشیچه، جمهور رییس بیرینچی اورین باسری جنرال عبدالرشید دوستم‌نینگ یقین‌لریدن بیری نظام‌الدین قیصاری و نماینده‌لر کینگشی‌ده فاریاب اهالیسی‌نینگ نماینده‌سی فتح‌الله قیصاری اورته‌سیده بولگن جنجل‌لر حاضرگچه حل بولمه‌گن.
سلام‌وطندارگه صحبت بیرگن فاریاب حاکمی سوزلاوچیسی احمدجاوید بیدارنینگ ایتیشیچه، اوشبو جنجل‌لرنی حل قیلیش خصوصیده، سعی و حرکت‌لر دوام ایتماقده.
نماینده‌لر کینگشی اعضاسی فتح‌الله قیصاری و جوزجان ولایتی‌نینگ سابق امنیه قومندانی رحمت‌الله ترکستانی‌نینگ تورت آی آلدین اویی‌ده ماین ییرلشتیریش‌گه عیب‌لگن نظام‌الدین قیصاری‌نینگ ایتیشیچه، مذکور ایکی کیشی قولگه آلینیشی خصوصیده، دولت حاضرگچه هیچ بیر ایش قیلمه‌گن.
قیصاری‌نینگ کوپه‌یتیریشیچه، حکومت‌نینگ دقت سیزلیگی‌گه چیده آلمه‌گنی اوچون، اوزی ایش‌گه کیرگن.
بو توغریده فتح‌الله قیصاری‌نینگ فکرینی اورگنماق ایسته‌دیک، لیکن او صحبت قیلیش‌گه حاضر بولمه‌دی.
بیراق، جوزجان ولایتی‌نینگ سابق پولیس قومندانی رحمت‌الله ترکستانی، بو واقعه ده قولی بارلیگی‌نی رد قیلیب و اونی بیر دسیسه دیدی.
