پروان ولایتی سیاهگرد تومن ولسوالی نورآقا سامی نینگ ایتیشیچه، مذکور تومن نینگ «قمچاق، تنگ، لِچ و روستای فرنجل» درهلریده یامغیر یاغیشی و سووتاشقینلری جانی و مالی ضررلرگه سبب بولگن.
جناب سامی نینگ سلاموطندارگه ایتیشیچه، مذکور سووتاشقینلریده حاضرگچه ۲ کیشی هلاک و باشقه ۲ کیشی یرهلنگن. قربانیلر رقمی نینگ کوپهیش احتمالی بار.
اوشبو سووتاشقینلرده ۳۰ یشش اوی بوزیلگن و مذکور درهلرنینگ تومن مرکزی بیلن یوللری باغلنگن.
سیاهگرد ولسوالی نینگ کوپهیتیریشیچه، مذکور سووتاشقینلرده ایکینچلیک ییرلر، کوپریک و کوپریکچهلرنینگ تخریب بولیشی گه علاوه پروان-بامیان قتناویولی هم کیلیب-کیتیش یوزیگه باغلنگن.
سیاهگرد حکومتی مسئوللری گه کوره، سووتاشیقنلری یوزبیرگن منطقهلرنینگ اَیریم بولیمی طالبان نظارتی گه دیر و مذکور ییرلرگه قتناو یوللر باغلهنیشی گه علاوه تلفنی علاقه قوریش هم ممکن ایمس.
عین حالده، اوتگن هفته پروان مرکزی چاریکار شهریده سووتاشقینلری حادثهسیده ۱۲۰ کیشی هلاک و باشقه ۱۲۸ کیشی یرهلنگن ایدی. مذکور سووتاشقینلری آغیر مالی و جانی تلفاتی یانیده بو شهرنینگ زیربنالری نی بوزگن.
چاریکار یشاوچیلری نینگ ایتیشلریچه، سووتاشقینلری سوو ییتکزیش ترماقلرینی بوزگن و اولر سوو کملیگی گه روپهره دیر.
