ننگرهار محلی مسئوللری نینگ ایتیشلریچه، «جاپان تینچلیک ساغلیک خدمتلری» نامیده‌گی جاپان‌لیک خیریه قوریلمه باشلیغی تیتسو ناکامورا نینگ قتلی توغریسیده 2 کیشی نی قولگه آلگنلر.
سلام‌وطندارگه صحبت بیرگن ننگرهار حاکمی سوزلاوچیسی عطاالله خوگیانی نینگ ایتیشیچه، شونینگدیک قولگه آلینگن کیشی‌لرنینگ اویی‌دن بیر قنچه حربی جهاز قولگه کیلگن.
اونگه کوره، قولگه آلینگن کیشیلر تدقیق آستیده آلینگن و اونینگ تفصیلاتی رسانه‌لر بیلن شریک قیلینیشی ممکن.
بوندن آلدین ننگرهار حاکمی شاه‌محمود میاخیل رسانه‌لرگه ایتیشیچه، «جاپان تینچلیک ساغلیک خدمتلری» نامیده‌گی جاپان‌لیک خیریه قوریلمه باشلیغی تیتسو ناکامورا نینگ قتلی مملکتدن تشقی ریجه‌لنگن ایکن.
اوتگن هفته چهارشنبه کونی جاپان‌لیک خیریه قوریلمه (پی‌ام‌اس) باشلیغی تیتسو ناکامورا، ناتانیش قوراللی کیشیلر آرقلی جلال‌آباد شهریده نشانگه آلیندی و کسلخانه‌ده یتیشمسدن آلدین جان بیردی.
شو توغریده:
