.jpg)
غزنی ولایتی نینگ ناوه تومنی دولت قوراللی مخالف‌لرنی حربی تیارگرلیک‌دن اوتکزیش همده بولر اوچون ییریک مرکزگه ایلنگن. غزنی پولیس قوماندانی امین الله امرخیل‌نینگ سوزلریگه کوره، ناوه جنوبی 7 ولایت‌ده اوروش دوام ایتیش عاملی حسابلنه‌دی.
غزنی شهری‌نینگ ایکی کیلومترلیگی‌ده جایلشگن مذکور تومن 8 ییل دن بیری دولت قوراللی مخالف‌لریده اشغالی‌ده بولیب کیلماقده. بو تومن پاکستان بیلن چیگره حدودگه ایگه بولگن‌لیگی باعث جنگری طالب‌لرنینگ او مملکت‌دن باردی کیلدی‌سی اوچون مناسب شرایط بولگن.
غزنی پولیس قوماندانی سلام‌وطندار ترماغی بیلن اوتکزگن مخصوص صحبت‌ده، ناتو جنگری طالب‌لر اوچون حربی تیارگرلیک‌دن اوتکزیش و جلب و جذب مرکزی اوله‌راق خذمت قیله‌دی دیگن. شونینگ‌دیک قوراللی طالب‌لرنینگ آغیر و یینگیل قورال اسلحه‌لری بو تومن‌نینگ تاغلی حدودلریده جایلشتیریلگن.
جناب امرخیل، ناوه تومنی‌نی قوراللی طالب‌لردن تازه‌لش ولایت ملی کوچلری اوچون اولگن خواطرگه اوزگرگن دیدی. بو منطقه ملی کوچلرگه خوف‌سیزلیک نقطه نظردن ییریک اهمیت‌گه ایگه دیدی جناب امرخیل.
بو منطقه غزنی ملی کوچلری تامانیدن قیته‌دن تصرف ایتیلیشی ممکن دیگن امرخیل، بو تومن دایمی سقله‌نیب قالیشی اوچون ییریک بیر حربی تشکیلاتگه احتیاج بار دیدی.
غزنی ولایت کینگشی‌نینگ اعضاسی عبدالجامع جامع، مملکت بدنی اوچون سرطان غده‌سی‌گه ایلنگن لیگینی ایتگن. شونینگ‌دیک کینگش‌نینگ بو اعضاسی جنگری طالب‌لر ناوه تومنی‌ده ولایت مقامی، پولیس قوماندانلیگی، محکمه، علاقه‌لر مرکزی، شفاخانه واسختبارات اداره‌سی ایجاد قیلگن لیگلرینی بیلدیرگن. جامع، ناوه قوراللی طالب‌لر و منطه‌وی جنگریلر اوچون آرمان شهرگه ایلنگن دیدی.
.jpg)
ایتیلیشیچه، جنگری طالب‌لر ناوده تومنی‌نینگ بیر قنچه منطقه‌لریده شفاخانه‌لر تاسیس قیلگن‌لر. بو حرکت‌نینگ قندهار، پکتیکا و زابل ولایت‌لریده یره‌لنگن کیشی‌لری بو شفاخانه‌لرگه آلیب کیلینگن‌دن سونگ دواله‌نیشی ایتیله‌دی. عین حالده، یره‌سی آغیر بولگن طالب‌لر ناوه تومن آرقه‌لی پاکستانگه آلیب باریلیشی نی معلوم قیلگن ولایت کینگشی باشلیغی.
غزنی عالی تینچلیک کیگشی‌نینگ رییسی خلیل‌الله هوتک، ناوده تومنی‌نینگ یشاوچی‌لری 8 ییل آقیمی‌ده هم دولت امکانیت‌لریدن بحره‌سیز قالگن‌لر دیگن. بو تومن‌نینگ یاش ییگیت‌لر نا انیق‌لیک و اورگه‌تیش تیزیمی بولمه‌گن لیگی سبب جنگری طالب‌لر صفی‌گه قوشیلیش‌لری تاکید ایتیله‌دی.
جناب هوتک، اوچ ییل دن بیری ملی پولیس نینگ 400 حربی‌سی اوشبو ولسوال‌لیک‌نی جنگریلر اشغالی‌دن چیقاریش اوچون تیار تورگن لر؛ اما، حکومت تامانیدن رخصت بیریلمه‌گن‌لیگی باعث عملیات اوتکزیش‌دن باش تارته دیلر دیگن.
عین حالده، طالب‌لر تامانیدن بو حرکت نینگ سایتی‌ده نشر بولگن اودیو سیس‌ده، ناوه تومنی اون ییل‌دن بیری طالبان تصرفی‌ده بولگن لیگینی ادعا قیلیب بو گوره مذکور تومن ده قضایی، حربی و اورگه‌تیش مرکزلر تاسیس قیلگن لیگینی اعتراف ایتگن‌لر.
