افغانستان فصل نوین ناملی انجمنی، تیزلیکده پارلمان سیلاوی زمانی اعلام بولیشینی طلب قیلگن.
بوگون اوشبو انجمن اعضالریدن بیر قطاری کابلده اعتراض‌لیک ییغین اوتکزیب، مجلس اوز ایشینی ناقانونی شکلیده دوام بیریب بارماقده و باید حکومت پارلمان سیلاوی بولیب اوتیش زمانینی معلوم قیلسه دیدیلر.
اویوشمه اعضالری ملی بیرلیک حکومت باشلیغ‌لریدن دموکراسی و اساسی قانونگه حرمت قویشلرینی طلب قیله‌دیلر: «خلق نینگ نامشروع پارلمان‌گه بیره‌دیگن کارتی قیزیل.»
مذکور اویوشمه مملکت بویلب تینیق و عدالت یوزه‌سیدن سیلاو اوتکزیلیب فساد و قلاب کارلیکلردن اوزاغ بولیب اوتکزیلیشینی طلب قیله‌دیلر و ایسته‌کلریگه توجه قیلینمه‌گن تقدیرده، تحصن خیمه‌لر اوریشلری بیلن ناراض‌لیکلرنی دوام بیره‌میز دیب آگاهلنتیره‌دیلر.
بیراق جمهور رییس‌لیک دفتری نینگ مطبوعات بوییچه سرپرستی شاه‌حسین مرتضوی نینگ سلام‌وطندارگه ایتیشیچه، حاضرگه قدر حکومت سیلاو بولیب اوتیشی باره‌سیده مالی منبع تاپیش اوچون 20 اولتیریش آلگن و سیلاو کمیسیونی ایسه تخنیکی ایشلری اوستیده ایشلب کیلماقده‌لر.
اوچ هفته‌دن بیری افغانستان فصل نوین ناملی اویوشمه‌سی اعضالری مملکت بویلب سیلاو بولیب اوتیشی تاریخی انیقلنیشی‌نی حکومتدن طلب قیلگنلر.
