جمهورلیک ریاست سیلاوی نینگ نامزدلر کینگشی نی بیر خبرنامه آرقه‌لی اورغولشیچه، یراقلی آوازلر یراقسیز آوازلردن اجره‌تیلگونگه‌قدر، آوازلرنی قیته سنه‌ش باشلنمه‌سی کیره‌ک.
مذکور کینگش نینگ خبرنامه‌سیده کیلیشیچه: «یراقلی آوازلر یراقسیز آوازلردن اجره‌تیلمه‌ی و سنه‌ش جریانی نامزدلرنینگ کیلیشووی اساسیده، ایشانچ تاپمه‌گونگه‌قدر، آوازلر سیلاو ایرکین کمیسیونی تامانیدن سنه‌لیشی قبول قیلینمه‌یدی.»
شونینگدیک مذکورکینگش سیلاولر ایرکین کمیسیونیدن آوازلرنی قیته سنه‌ش و تیکشیریش‌دن آلدین کمیسیونده‌گی ایچکی قرمه‌قرشیلیکلر حل قیلیشینی سوره‌گن.
شو توغریده:
- مولانا عبدالله: سیلاو جریانی ناتوغری یولگه کیتماقده
نظارتچی اداره‌لر: یوناما و اروپا بیرلیگی‌نینگ سیلاو ایشلریده اره‌لشیش‌گه حقلری یوق دیر
سیلاو ایرکین کمیسیونی آوازلرنینگ قیته سنه‌ش جریانی‌نی توخته‌تدی
نامزدلر کینگشی مذکور خبرنامه‌ده، سیلاولر ایرکین کمیسیونی باشلیغی و رهبرلیک هیأتی‌دن واقعیت گه قرشی خبرلر نشر ایتیلمه‌یشینی طلب قیلگن.
نامزدلر کینگشی نینگ خبرنامه‌سیده کوپه‌یتیریلیشیچه، آوازلر قیته تیکشیریلیشی خصوصیده جمهورلیک ریاست سیلاوی نامزدلری بیلن مصلحت قیلینمه‌گن و بو کینگش مذکور پروسه‌ده اشتراک قیلمه‌یدی.
بونده‌ی بیاناتلر ارایه ایتیلگن بیرحالده، سیلاولر ایرکین کمیسیونی اوتگن کون کیچ قورون ایرته (یکشنبه) آوازلر قیته سنه‌لیشیدن خبر بیردی.
