آغزیدن چیقه‌دیگن هر بیر سوز اونینگ ناچار‌لیگی نی کورسته‌دی و بو ناچار‌لیک اونینگ قشاقلیک حالتده آذربایجان پایتختی باکو نینگ قرانغو تورت دیواری ده نابیللی بیر شکلده یشش گه زورلنتیرگن. افغانستان‌لیک تجربه‌لی و قابلیت‌لی عیالی نظیفه رحمتی نابیللی بیر تقدیر برابریده قرار تاپگن.
نظیفه رحمتی کابل بیلیم‌یورتی نینگ ژورنالیزم فاکولته‌سیدن فراغت حجتی قولگه کیلتیرگن. او فراغت حجتی نی قولگه کیلتیرگندن کیین بیر رادیو گه ایش گه باشله‌گن و شونینگدیک بو ایش آرقه‌لی اوزی نینگ ظرفیتی نی یوقاری آلیب بارگن.
نظیفه اوز مذهبی‌دن تشقری تورموش اورتاق تنله‌گنیدن کیین، کوپینچه قیینچیلیک‌که دوچ کیلدی و بو ایش اوز عایله‌سی و اقارب‌لرینی اَچیق‌لنتیردی.
خانم رحمتی نینگ عایله اعضاسی بو ایش گه قرشی کیلدی و شو یوزه‌دن او، تورموش اورتاغی بیلن ناقانونی مهاجرلیک آرقه‌لی مملکت نی ترک قیلدی، بیراق او بو مهاجرلیک قنچه‌لیک آغیر تمام بولیشی نی بیلمه‌س ایدی.
خانم رحمتی یخشی بیر حیات گه قول تاپیش اوچون آذربایجان گه مهاجر بولگن ایدی، بیراق حاضر هر نرسه عکسینچه آلغه کیتماقده.
آذربایجان پایتختی باکو ده بیر یریم ییل نی اوتکزماق، قشاقلیک و ایش قیله آلمه‌سلیک اونینگ حیاتی نی نابیللی بیر ییرده قرار بیرگن.
حاضر لاله ناملی بیر قیز دنیا گه کیلتیرگن خانم رحمتی نینگ ایتیشیچه، قیزی نینگ یخشی کیله‌جگی اوچون مملکتده قیتیش نی ایسته‌یدی و تحصیل حجتی و یخشی ایش تجربه‌سی بارلیگی اوچون مملکتده ایش تاپیشی خصوصیده ایشانه‌دی.
باشقه بیر تاماندن مهاجرلیک معلومات مرکزی (MRC) نی اویغونلشتیره‌دیگن سیدشاه حسین هنریار، مهاجرلردن میزبانلیک قیله‌دیگن مملکتلر اینیقسه اروپا آرقه‌لی مهاجرلر اوچون قیین قانونلر وضع قیلینیشی نی ناقانونی مهاجرلیک میزانی کمه‌یشی اوچون اونملی بیله‌دی.
عین حالده، خلق‌ارا مهاجرلیک مرکزی (IOM) نینگ معلومات و علاقه‌لر اورین‌باسری حدیث پردیس نینگ ایتیشیچه، اوتگن 4 آیده 180 کیشی اوز ایسته‌کلری اساسیده اروپالیک مملکت‌لردن افغانستان قیتگن.
جناب پردیس نینگ کوپه‌یتیریشیچه، اوز ایسته‌کلری اساسیده مملکتده قیتگن کیشیلرگه قیسقه و اوزون مدتلی یاردم‌لر بیریله‌دی.
