.jpg)
پروان محلی رسمی‌لری، بو ولایتده 20 یاشر بیر عیال نینگ بوینی کیسیلگن جسدی تاپیلگنیدن خبر بیرگن.
اوشبو عیال نینگ آتی نازنین بولیب و بیر یریم ییل آلدین بایان‌بالا قیشلاغیده تورموش قورگن ایکن. پروان ولایت کینگشی اعضاسی هوسا بایان نینگ ایتیشیچه، نازنین بیر یریم ییل جریانیده تورموش اورتاغی (ایری) نینگ عایله‌سی تامانیدن کلتکلنیب و قیناقله‌نیب کیلگن.
نازنین قیین‌آته‌سی نینگ عایله‌سینی قیناغیدن قوتیلیش اوچون ولایتی اداره‌لرگه مراجعت قیلگن و پروان ولایتی بوییچه عیاللر ایشلری ریاستی‌ده دوسیه‌سی بار ایکن، بیراق قوم بویوک‌لری نینگ واسطه‌چیلیگی بیلن تورموش اورتاغی (ایری) نینگ عایله‌سیگه قیتریلگن و انچه مدتدن سونگ قتل ایتیلگن.
هوسا بایان گه کوره، نازنین نینگ قول و ایاقلری ایری تامانیدن باغله‌نیب و اوندن کیین بوینی پیچاق بیلن کیسیلگن.
.jpg)
اوشبو واقعه اوتگن هفته پروان ولایتی جبل‌السراج تومنی نینگ گلبهار منطقه‌سیده یوز بیرگن.
اوشبو واقعه‌نی تصدیقلگن پروان ولایتی بوییچه عیاللر ریاستی باشلیغی شاه‌جهان یزدانپرست نینگ ایتیشیچه، نازنین نینگ قیین‌آته‌سینی عایله‌سی سوز بیرگنیدن سونگ، اونینگ اوی گه آلیب کیتگن، بیراق اولر بوتون بیرگن سوزلرینی آیاق آستی قیلگن. یزدانپرست بو واقعه‌نی «اچینرلی» دیب و بو قضیه جدی شکلده تیکشیریلیشی‌نی طلب قیلگن.
پروان پولیس قومندانی محمدمحفوظ ولیزاده هم بو واقعه‌نی تصدیقلیدی، بیراق ایتیشیچه، نازنین کلتکلنیب اولدیریلگن. جناب ولیزاده گه کوره، حاضرگچه اوشبو قضیه خصوصیده، نازنین نینگ ایری، قیین‌آته‌سی و قیین‌سینگیل‌لی قولگه آلینگن و بو توغریده آرتیچه تیکشیروولر دوام ایتماقده.
