ناتو تشکیلاتی ده آمریکا دایمی نماینده‌سی کی بیلی هاچسون نینگ ایتیشیچه، افغانستان ده زوروانلیک میزانی یوقاری کیتگن و طالبان تینچلیک شرط‌لرینی بوزیشگن. اونینگ کوپه‌یتیریشیچه، طالبلرنینگ دواملی هجوم‌لری مذکور گروه نینگ آمریکا بیلن امضاله‌گن تینچلیک کیلیشوونامه‌سی توغریسیده حرمت‌سیزلیگی نی کورسته‌دی.
خانم هاچسون بو بیانات‌لرنی اوتگن کون (جمعه 5- ثور) بروکسل ده یولگه قوییلگن ناتو اعضالری نینگ قوشمه ییغینی گه ارایه قیلدی.
اونینگ اورغولشیچه، آمریکا و اونینگ ناتو تشکیلاتی‌ده‌گی بیرلشیک‌لری، طالبلردن زوروانلیک میزانی نینگ کمه‌یتیریش‌لری و افغانستان حکومتی تامانیدن تعیین ایتیلگن هیأت بیلن مذاکره قیلیب، افغانستان‌لیکلرارا سوزلشوولر باشله‌نیشی نی سوره‌یدی.
کی بیلی هاچسون نینگ ایتیشیچه، مذکور ییغینده ناتو گه اعضا مملکتلر غنی و عبدالله جنجللرنی چیککه گه قوییب و «همه‌شمول» بیر دولت تشکیل ایتیش‌لری توغریسیده کیلیشگن. ناتو گه اعضا مملکتلرنینگ ایتیش‌لریچه، افغانستان ده آتیشمه یکونلنیشی و ناتو و بیرلیشک‌لری یاردم‌لریگه دوام بیریشی توغریسیده توپلم بیر کیلیشوو کیره‌ک.
شو توغریده:
- «طالبان بیر هفته جریانیده 34 تینچ‌اهالینی اولدیرگن»
ناتو پنجشیر و پروان خوفسیزلیک کوچ‌لریگه ساغلیک ملزمه‌لر یاردم بیردی
ناتو ده آمریکا دایمی نماینده‌سی بیانات‌لری نینگ بیر بولیمی‌ده ایتیشیچه: «بیز و بیزلرنینگ بیرلشیک‌لریمیز 18 ییل دن آرتیق افغانستان اهالیسی و مدافعه کوچلری نینگ یانیده تورگن‌میز. افغانستان ده تینچلیک کیلیشی و یخشی کیله‌جک تضمین ایتیلیشی توغریسیده کوره‌شگن‌میز و حاضر فرصت‌دن فایده‌لنیب تینچلیک خصوصیده اَدیم کوتاریش اوچون برچه تامانلر جنجل‌لرینی چیککه گه قوییش زمانی کیلگن.»
شونینگدیک ناتو اعضالری، افغانستان ده آتیش کیسین اعلام ایتیلیشی نی سوره‌شگن.
عین حالده ملی خوفسیزلیک کینگش دفتری، اوتگن بیر هفته جریانیده طالبلرنینگ هجومی باعث تورلی ولایت‌لرده 34 تینچ‌اهالی هلاک و شونینگدیک باشقه 62 تینچ‌اهالی یره‌لنگنی نی اعلام قیلگن.
اوتگن کون (شنبه 6- ثور) مذکور نهاد سوزلاوچیسی جاوید فیصل خبری بیر ییغین اوتکزیب ایتیشیچه، طالبان آمریکا بیلن تینچلیک کیلیشوونامه‌سی نینگ امضاله‌گندن کیین افغانستان خوفسیزلیک کوچلری گه قرشی 2 مینگ و 804 هجوم اویوشتیرگن. اونگه کوره، مذکور هجوم‌لرده 789 تینچ‌اهالی هلاک و یره‌لنگن.
