ناتو تشکیلاتی اعضالری نینگ باشلیغ‌لری، بوگون «سه‌شنبه» لندن ده توپله‌نیب و بو تشکیلات نینگ 70 ییل‌لیگی‌نی نشانلشگن.
آمریکا جمهور رئیسی دونالد ترامپ، مذکور مملکت نینگ ایلچی‌خانه‌سیده ناتو باش کاتبی یونس استولتنبرگ بیلن قوشمه خبری ییغین اوتکزیب و فرانسه جمهور رئیسی امانویل مکرون دن تنقید قیلگن.
فرانسه جمهور رئیسی امانویل مکرون نینگ ایتیشیچه، ناتو گه نسبتن آمریکانینگ بی‌فرق یانده‌شی باعث، بو تشکیلات میه اولیمی گه دوچار بولگن و آمریکا جمهور رئیسی دونالد ترامپ، جناب مکرون نینگ بو بیاناتی‌نی اهانت‌لی و اچیق دیگن.
آمریکا جمهور رئیسی و ناتو تشکیلاتی نینگ باش کاتبی، ناتو اعضالری کوپراق سهم آلیشی خصوصیده بولگن کیلیشمه‌لر توغریسیده صحبت قیلیشگن. اروپا بیرلیگی و کانادا، میلادی 2020- ییل‌نینگ آخری گه قدر، بو تشکیلات گه 130 میلیارد دالر توللشی گه قرار قیلینگن و بو رقم میلادی 2024- ییل نینگ آخری گه‌قدر 400 میلیارد دالرگه آشیشی ممکن.
آمریکا جمهور رئیسی، فرانسه دن تنقید قیلگن بیرچاغده، اوتگن کون آمریکا، فرانسه نینگ 2.4 میلیارد دالرلیک وارداتی توارلری گه 100% تعرفه تعیین قیلیشی خصوصیده تهدید قیلگن ایدی.
ناتو تشکیلاتی گه اعضا مملکت‌لرنینگ باشلیغ‌لری گه بو کیچه باگینهام قصریده ایکینچی ملکه الیزابت میزبانلیک قیله‌دی.
