کلید گروپ مملکت‌نینگ 9 ولایتی بوییچه میدیالرده جنسیت تینگ‌لی نامی‌ده بیر تدقیقات اوتکزیب و بوگون نتیجه‌سینی اعلان قیلدی.
اوشبو تدقیقات‌دن قولگه کیریتیلگن معلومات گه کوره، میدیالرده فعالیت قیله‌دیگن عیاللردن 87% تاجیک، 7% پشتون، 2% اوزبیک و باشقه 4% مملکت‌ده ایریم تیل‌لرگه صحبت قیله‌دیگن‌لر دیر.
کلید گروپ ایشلاوچی‌لریدن بیری محمود مبارزنینگ ایتیشیچه، اولرنینگ قولگه کیریتگن معلوماتی اساسیده، میدیالرده فعالیت قیله‌دیگن عیاللردن 4.29% ماستر، 67.14% لیسانس، 18.57% 14- صنف‌نی بیتتیرگن و باشقه 8.57% 12- صنف‌نی بیتتیرگن‌لر دیر.
کلید گروپ باشلیغی نجیبه ایوبی نینگ ایتیشیچه، میدیالرده جنسیت تینگ‌لیگی آتی گه اوتکزیلگن تدقیقات معلوماتی گه کوره، سونگی پیت‌لر مملکت‌نینگ باشقه ولایت‌لریگه نسبتن کابل، بلخ و هرات ولایت‌لریده میدیالرده فعالیت قیله‌دیگن عیاللرنینگ سانی آشگن.
میدیالرده جنسیت تینگ‌لیگی توغریسیده اوتکزیلگن تدقیقات گه کوره، عیاللر بیر میدیاده نیچه ییل فعالیت قیله آلمه‌یدی.
اوشبو تدقیقات‌ده کیلیشیچه، عیاللردن 48% نینگ 1 دن 3 ییل‌گچه میدیا تجربه‌سی بار، 22% نینگ تجربه‌سی بیر ییل‌دن آز، 25% 3 دن 10 ییل‌گچه و باشقه 5% نینگ 10 ییل‌دن آرتیق میدیا تجربه‌لری بار.
شونینگدیک، اوشبو تدقیقات‌نی باشقه بیر بولیمی‌ده میدیالرده فعالیت قیله‌دیگن عیال ایشلاوچی‌لرنینگ حقوقی توغریسیده ایتیلیشیچه، میدیالرده فعالیت قیله‌دیگن عیاللردن 44% ایرکک‌لر بیلن بیر حقوق آلیش‌لرینی ایتگن، 47% نینگ جوابی بو توغریده سلبی بولگن و باشقه 9% بو توغریده معلومات بیرمه‌گن.
اوشبو تدقیقات‌ده میدیالرده عیال ایشلاوچی‌لر قینه‌لیشی و اذیت بولینیشی توغریسیده ایتیلیشیچه، 87% زوره‌وانلیک و قینه‌ماققه دوچ کیلمه‌گن‌لر، اشتراکچی‌لردن 9% زوره‌وانلیک و قینه‌لیشنی تجربه قیلگن‌لرینی بیلدیرگن و باشقه 4% اذیت بولگن‌لرینی ایتگن؛ لیکن جنسی نقطه‌ی نظردن ایمس.
