میدان وردک والی‌سی‌نینگ سوزلاووچی‌سی عطاالله خوگیانی‌نینگ سلام وطندارگه ایتیشیچه، اوتکن دوشنبه کونی کیچ قورون ناتانیش قورال‌لی کیشی‌لر بهسود تومنی کوچی‌لری اوستی‌گه هجوم اویوشتیریب، اولرنینگ 12 یشش بناسی و 3 تراکتوری‌نی اوتگه یاندیرگن.
جناب خوگیانی‌نینگ کوپه‌یتیریشیچه، بو توغریده تیکشیرولر باشلنگن، لیکن حاضرگچه نتیجه بیرمه‌گن.
کمیده بیر هفته آلدین اوشبو تومن‌ده نا معلوم قورال‌لی شخص‌لر آرقه‌لی اوغیرلنگن 7 کیشی‌نینگ هنوزگچه هم تقدیری باره‌سیده انیق معلومات قولده ایمس.
ایتیلیشیچه، سونگی کون‌لرده میدان وردک ولایتیده نامعلوم شخص‌لر تامانیدن کیشی‌لرنی اوغیرله‌نیشی منطقه یشاووچیلری و کوچیلر اورته‌سیده‌گی ضدیت‌لرگه سبب بولگن.
میدان وردک ولایتی سونگی ییل‌لرده بهسود و دایمرداد یشاووچیلری و کوچیلر اورته‌سیده یوزبیره‌دیگن توقنه‌شوولر و تاتینچ‌لیک‌لرگه گواه بولیب و سیاسی مساله‌گه اوزگرگن.
ینگی‌دن جمهور رییس بیر فرمان آرقه‌لی، 57 کیشی‌لیک کمیسیون نینگ صبغت الله مجددی ریاستی‌ده محل یشاووچیلری و کوچیلر اورته‌سیده‌گی قره‌مه قرشی‌لیک‌لرنی حل ایتیش اوچون مذکور ولایت‌گه یوبارگن ایدی. بوندن آلدین حاجی محمد رهبرلیگی‌ده تشکیل ایتیلگن هیات نینگ بو باره ده آلیب بارگن سعی و حرکتی نتیجه بیرمه‌گن ایدی.
