میدان وردک ولایتی نینگ جلریز، میدان شهر، نرخ، بهسود و سیدآباد تومنی‌نینگ یشاووچیلری، اوچ آیدن بیری بو تومن‌ده قوراللنگن یوزلب کیشی حربی فعالیت قیلیب اهالیدن باج آله‌دی دیگنلر.
وضعیتدن تشویش بیلدیرگن اهالی ایریم پیتلر اوشبو قوراللی شخصلر کیشیلرنی اوزلری بیلن هم آلیب کیتگنلر دیدیلر. اهالی، مذکور قوراللنگن گروه‌لر حکومت ایچیده‌گی ایریم تیوره‌کلر طرفیدن حمایت بولیشینی تیلگه آلگن.
اوشبو تومنلرنینگ اهالیسی مرکزی حکومتدن تیزلیکده بو گروه نینگ فعالیتی توخته تیلیشی اوچون لازم چاره تدبیر کوریشنی سوره‌گنلر.
خبرنی تصدیق له‌گن میدان وردک ولایتی نینگ ولایت کینگشی اعضالری، یقینده بیر قنچه نا قانونی قوراللی شخصلر مردمی کوچ نامینی سوء استعمال قیلیب، ولایت‌ده حربی فعالیتگه باشله‌گن لیگینی ایتگنلر.
سلام‌وطندار بیلن صحبت اوتکزگن میدان وردک ولایتی نینگ ولایت کینگشی اورین باسری شریف‌الله هوتک، بهسود تومنیده‌گی «علی پور» ناملی قوماندان قولی اداره‌سیده بولگن یوزلب قوراللی شخص بیلن دولت لایحه‌لردن باج آلیشدن تشقری، اوغیرلیک همده اهالیدن زودن پول آله‌دیلر دیگن.
بو توغریده علی پورنینگ فکرینی اورگه‌نیش اوچون آلیب بارگن سعی و حرکتی میز نتیجه بیرمه‌دی.
ولایت نینگ بیر قنچه تومنلریده نا قانونی قوراللنگن گروه‌لر بارلیگینی اعتراف قیلگن ولایت نینگ ولایسی زنده‌گل زمانی، مذکور گروه‌لر حربی ناقانونی فعالیتلریدن قول کوتارمه‌گن حالده، ملی کوچلرنینگ عکس‌العملی‌گه روپه ره بوله‌دیلر دیدی.
ولایت نینگ امنیه قوماندانی عبدالرزاق یعقوبی، اوز باشیمچه فعالیتگه باشله‌گن مذکور گروه‌لر تیز آره ده ولایت همکارلیگی بیلن قورال‌سیزلنتیریله‌دیلر دیگن.
میدان ولایت ولایتی نینگ رسمیلری تامانیدن بیریلگن حساباتده حاضرگی کونده ولایت بولیب 500 دن آرتیق ناقانونی قوراللنگن کیشی حربی فعالیت آلیب باریشی بیلن بولگنی قید ایتیگن.
