میدان‌وردک ولایتی‌نینگ بهسود تومنیده «مقاومت جبهه‌سینی» قومندانی «قومندان شمشیر» آتی‌گه شهرت قازانگن علی‌پور، بوگون ایرته‌لب سلام‌وطندار بیلن تلیفون علاقه قوریب کابل-بامیان قتناو یولی‌نی باغله‌گنیدن خبر بیرگن.
جناب علی‌پورنینگ ایتیشیچه، ناتینچلیک‌لر کوپه‌یگنی و میدان‌وردک-بامیان قتناو یولی‌ده تینچاهالی طالبان گروهی تامانیدن اولدیریلگنی باعث، بو ایش‌گه قول اورگن. اونینگ طالب‌لرنی آگاه‌لنتیریشیچه، ناتینچلیک‌که دوام بیرگن‌لری صورتده، بو یولده یولاوچی‌لرنینگ خوفسیزلیگی‌نی تأمین‌لش اوچون هر قنده‌ی جهازدن فایده‌لنیشی ممکن.
عینحالده، قطار موتر هیداوچیلر غوربند دره‌سی مسیریده بامیان- کابل قتناو یولینینگ یاپیق بولگنیدن خواطر بیلدیرگنلر. بوگون "چهارشنبه" ایرته‌لب پروان ولایتی‌نینگ سیاگرد منطقهسیده 400 موتر توختهتیلیب قویلگن.
سیاگرد تومنینی محلی رسمیلرینینگ بو خبرنی تصدیقلب ایتیشیچه، نیچه پیت آلدین محل یشاوچیلریدن بیری شخصی خصومتلر باعث اولدیریلگن ایدی، انهشو سبب محل یشاوچی‌لری ناراضلیک نمایش یولگه قویب قتناو یول نی یاپیب قویگنلر.
کابل- بامیان قتناو یولی مملکت مرکزی ولایتلرینی ایکی ایری یول جملهدن میدان دره‌سی و غوربند درهسیدن باشکینتگه باغلهیدی، و بو قتناو یولده قورالی طالبلرنینگ کینگ فعالیتی، ناتینچلیک، قتل و گروگه آلیش واقعهلری هردایم مذکور قتناو یولنینگ یولاوچیلری اوچون قیینچلیک یرهتهدی.
