د میدان وردګو ولایت چارواکي وايي چې نن سهار شاوخوا ۸ بجې د مرکز میدانښار اړوند د افغان پولیسو نظامي کمپ په دروازه کې موټربم برید شوی دی.
د میدان وردګو د عامې روغتیا رییس سالم اصغرخېل وايي، د برید قربانیان د یاد ولایت ولایتي روغتون ته وروړل شوي چې له ډلې یې ۷ کسان چې ۱ یې سرتېری او ۶ یې ملکیان دي، وژل شوي او ۳۱ نور ټپیان دي.
خو د میدان وردګو د والي ویاند عبدالرحمن منګل سلام وطندار ته وویل، موټربم د پولیسو د موټرو ورکشاپ په کارکوونکیو شویدی. د ده په خبره، بریدګر ځان او موټر کې چاودېدونکیو توکو ته چاودنه ورکړې چې له کبله یې ۶ کسان وژل شوي او ۱۲ نور ټپیان دي.
منګل زیاتوي، برید د سراچه ډوله موټر په وسیله شوی او په وژل شويو او ټپیانو کې پولیس او د نظامي موټرو مستریان شامل دي.
وسلهوالو طالبانو د برید مسوولیت منلی او ادعا یې کړې چې د پولیسو څو سرتېري یې پهکې وژلي دي.
