.jpg)
بغلان طالب‌لری‌نینگ حربی مسؤولی قاری ظاهر، مذکور ولایت‌ده یولگه قوییلگن سونگی عملیات‌ده یره‌لنگن. اوشبو تانیقلی قومنداندن هیچ بیر نشانه قولگه کیریتیلمه‌گن ایدی؛ نتیجه‌ده بوگون «یکشنبه» امنیتی کوچلر، اونینگ میدان‌وردک پولیس قومندانی خلیل اندرابی‌نینگ رنجری‌نی ایچیدن چیقارگن.
کورینیشیچه، قاری ظاهر، جناب اندرابی آرقه‌لی بغلان‌دن پایتخت‌ده تینچ بیر ییرگه انتقال بیریلیشی‌گه قرار قیلینگن ایکن. بغلان امنیتی کوچلری‌نینگ ایتیشیچه، بغلان طالب‌لری‌نینگ حربی مسؤولی باشقه ایکی کیشی همراه‌سی بیلن بیرگه بغلان ولایتی‌نینگ خنجان تومنی‌ده قولگه آلینگن.
.jpg)
خنجان تومنی حاکمی لطف‌الله عاطف‌نینگ سلام‌وطندارگه ایتیشیچه، بغلان طالب‌لری‌نینگ حربی مسؤولی ملی امنیت آرقه‌لی قولگه آلینگن. بغلان ملی امنیت ریاستی‌ده آتی فاش ایتیلیشی‌نی ایستمه‌گن بیر امنیتی منبع بو خبرنی تأیید قیلیب ایتیشیچه، قاری ظاهر بیلن بیرگه قولگه آلینگن باشقه ایکی کیشی میدان‌وردک پولیس قومندانی خلیل اندرابی‌نینگ قرینداشلریدن بولگن.
سلام‌وطندار، میدان‌وردک پولیس قومندانی بیلن تلیفون علاقه قوریب، اوشبو واقعه توغری‌سیده فکرینی اورگنماقچی بولدی، بیراق جناب اندرابی، موضوع‌دن خبردار بولگنی‌دن کیین، تلیفون‌نی کیسدی.
