میدان‌وردک ولایتی کینگش اعضالری، چیت‌ایللیک کوچلرنینگ هوایی هجوم‌لری نتیجه‌سیده، 7 تینچ اهالی هلاک ایتیلگنی‌دن خبر بیرگنلر.
میدان‌وردک ولایتی کینگش اورین باسری شریف‌الله هوتک نینگ سلام‌وطندارگه ایتیشیچه، چیت‌ایللیک کوچلرنینگ اوچووچی‌سیز تیک‌اوچری اوتگن کیچه سیدآباد تومنی نینگ «جوزرین» قیشلاغیده بیر موترنی هجوم آستیگه قرار بیریب نتیجه‌ده مذکور موترده بولگن کیشی‌لر هلاک ایتیلگن.
اونینگ ایتیشیچه، هلاک ایتیلگن‌لر تینچ اهالی دیر و اولردن 4 ته‌سی بیر عایله نینگ اعضاسی ایکن.
میدان‌وردک حاکمی نینگ سوزلاوچیسی محب‌الله شریفزی، بو واقعه‌نی تصدیق‌لگن، بیراق تلفاتی خصوصیده معلومات بیرمه‌گن.
جناب شریفزی نینگ ایتیشیچه، بو واقعه‌نی تیکشیریش اوچون بیر هیات تشکیل تاپگن و تیکشیریش نتیجه‌سی اهالی بیلن شریک قیلینه‌دی.
