کابل شهری نینگ 315- آتلی منطقه‌سیدن کمیده بیر آی آلدین اوغیرلنیب و اوندن کیین اولدیریلگن 6 یاشلی مهسا آتلی قیز باله نینگ قتلی جدی عکس‌العمل‌لرگه سبب بولدی.
یشاوچیلر اینیقسه اجتماعی ترماقلرنی ایشلاوچی‌لری، بو قتل عامللری قتیق شکلده جزالنیشی (دارگه آسیلیشی‌نی) سوره‌گن‌لر.
مهسا قتلی‌دن نیچه کون اوتگنیدن سونگ، کابل پولیسی بو قتل گه عیب‌دار ایکی کیشی قولگه آلینگنیدن خبر بیردی و اولر ایسه آدم اوغیرلاوچیلیک و قتل گه اعتراف قیلگن‌لر.
اوشبو واقعه دن بیر آی اوتگندن سونگ، بوگون کابل‌ده خبری بیر ییغین اوتکزگن باش قاره‌لاوچیلیک سوزلاوچیسی جمشید رسولی نینگ ایتیشیچه، مهسا قتلی‌نی دوسیه‌سی توغریسیده بو اداره‌نی تیکشیروولری یکونلنگن و باش قاره‌لاوچیلیک اداره‌سی بو دوسیه‌نی محکمه گه تاپشیرگن.
شونینگدیک، اوشبو ییغینده باش قاره‌لاوچیلیک اداره‌سینی سوزلاوچیسی، مملکت ده سونگی 3 ییل‌ده 574 آدم اوغیرلاوچلیک دوسیه تیکشیریلگنیدن خبر بیریب ایتیشیچه، اوشبو دوسیه‌لرگه باغلیق 1 مینگ و 33 کیشی توتقونگه آلینگن.
شو توغریده…
مهسا اولدیریلدی؛ حادثه عامللری اعدام قیلینسین!
