افغانستان بوییچه مهاجرلر و باشپناه ایزلاوچیلر وزیرلیگی رسمیلری نینگ ایتیشلریچه، ساووق موسم عرهفهسیده 95 مینگ زیان کورووچی و یاردم گه احتیاج عایله تانیلگن.
بوگون «چهارشنبه» کابلده مهاجرلر خلق ارا کونیدن نشانلش مراسمده مهاجرلر و باشپناه ایزلاوچیلر وزیرلیگی سرپرستی سیدحسین عالمی بلخی نینگ ایتیشیچه، بو آرهدن 50 مینگ عایله ملی و خلق ارا ادارهلری تامانیدن و باشقه 12 مینگ عایله افغانستان حکومتی تامانیدن یاردم قولگه کیریتیشگن.
بیراق، باشقه 28 مینگ زیان کورووچی عایله گه یاردم بیریش اوچون خاص بودجه یوق دیر.
مهاجرلر وزیرلیگی نینگ سرپرستی حکومت دن زیان کورووچی عایلهلرگه یاردم بیریلیشی اوچون خاص برنامهلرنی قولگه آلیب و ساووق موسوم ده انسانی فاجعه آلدی آلینیشی اوچون چاره تدبیر کوریشی لازم.
شونینگدیک، اوشبو مراسمده سنامجلسی نینگ بیرینچی اورین باسری محمدعلم ایزدیارنینگ ایتیشیچه، سونگی ییللرده مهاجرلر وزیرلیگی اوچون ییترلیچه بودجه بیلگیلنمهگن. اونگه کوره، مهاجرلر و باشپناه ایزلاوچیلر وزیرلیگی اوچون ییترلی امکانیت و بودجه یوقلیگی بو وزیرلیک نینگ اساسی قیینچیلیکلریدن سنلهدی.
مهاجرلر و باشپناه ایزلاوچیلر وزیرلیگی سرپرستی سیدحسین عالمی بلخی نینگ ایتیشیچه، جاری میلادی ییلده ایچکی بدرغهلرنینگ سانی 600 مینگ گه ییتیشهدی. اونگه کوره، اوتگن 18 ییلده 10 میلیوندن آرتیق کیشی افغانستان گه قیتیشگن، بیراق بو رقمدن 4 میلیونی ملی بیرلیک حکومتی نینگ بیش ییللیک دوریده کیلیشگن.
مهاجرلر و باشپناه ایزلاوچیلر وزیرلیگی سرپرستی نینگ ایتیشیچه، حاضر افغانستان فقرارلریدن 6 میلیون کیشی باشقه مملکتلرده مهاجر بولیب توریشگن و بو رقمدن کوپینچهسی ایران و پاکستان مملکتلریده حیات کیچیریشهدی.
جناب بلخی قوشنی و اروپایی مملکتلردن افغانستان مهاجرلری نینگ زورلب چیقارمسلرینی سورهیدی.
اوتگن کون «سهشنبه» سویس نینگ ژنو شهریده بیرلشگن ملتلر تشکیلاتی نینگ حرکتی بیلن باشپناه ایزلاوچیلرنینگ وضعیتی گه دقت قیلیش نامیده خلق ارا ییغین یولگه قوییلدی. بو ییغینده هم باشپناه ایزلاوچیلرنینگ قیینچیلیکلری تیکشیریلیش موضوعی بحث گه آلیندی.
سلاموطندار میدیا ترماغی، ناقانونی مهاجرتلر آلدی آلینیشی اوچون خاص برنامهلرنی قولگه آلگن. بو برنامهلر تورلی بولیملرده نشر ایتیلهدی.
