بوگون «چهارشنبه» کابلده افغانستان شفافیتنی کوزهتووچی اداره و معارف وزیرلیگی آرهسیده، کیفیتنی تیکشیریش و معارف امانتدارلیگی خصوصیده، ییغین یولگه قوییلدی.
افغانستان شفافیتنی کوزهتووچی اداره اجراییه باشلیغی سیداکرام افضلینینگ ایتیشیچه، افغانستان گه چیت ایللیک مملکتلر تامانیدن یاردم بیریلگن میلیاردلرچه دالرگه قرهگنده، مملکت معارفینینگ وضعیتی حاضرگچه یخشی بولمهگن.
جناب افضلینینگ بیاناتلریگه اساس، افغانستان شفافیت ادارهسینینگ تیکشیروویده مملکتنینگ 10 ولایتیدن 276 باب مکتب شامل بولهدی و بو مکتبلردن قولگه کیریتگن رقم اساسیده، شهرلردهگی مکتبلردن کمیده 20% ساغلیقنی سقلش مسئلهلر و تشناب گه قول تاپمهگن و عین حالده، بوتون مملکتده بو رقم 60% گه ییتیشهدی.
افغانستان شفافیتنی کوزهتووچی ادارهسینینگ اجراییه باشلیغی گه کوره، مملکتنینگ ایریم منطقهلریده مکتبلرنی تمیز سقلش خصوصیده، بودجه اختصاص بیریلمهگن. اورنک شکلده، کنر ولایتی گه همکارلیک قیلهدیگن ادارهلر تامانیدن بیریلگن مکتب نقشهسیده تشناب ییری نظرگه توتیلمهگن.
جناب افضلی دولت و خلق ارا نهادلریدن تنقید قیلیب ایتیشیچه، معارفنی فساد دن تازهلش خصوصیده مسوولمیز و اهالی گه یخشی تعلیمات زمینهسی یرتیلیشی توغریسیده سعی و حرکت قیلهمیز.
افضلی گه کوره، مملکتده چمهسی 50 فایز مکتبنی بیناسی یوق و مکتبلرنینگ یالغیز 43 فایزینی اوقیتووچیلری مسلکی دیر.
معارف وزیرلیگینینگ بودجهسی 1386-ییلدن 1396- ییلگهقدر 18.5 فایزدن 10.5 فایز کمهیگن بیرحالده اوشبو تنقیدلر اورته گه چیققن.
