افغانستان صناعت و تجارت اتاقی نینگ مسووللری، ییتی کونگه قدر (22قوس) حکومت سوداگرلر قیین چیلیگینی حل قیلمه‌گن حالده، « ترانسپورت تَورلرنی توخته‌تیش»لری حقیده آگاهلنتیرگنلر.
صناعت و تجارت اتاقی نینگ سوزلاووچیسی صیام‌الدین پسرلی، دولت اداره‌لری جمله‌دن شهردارلیک، پولیس، باجخانه‌لر، سیار مراقبتلر ایریم پیتلرده نماینده‌لر مجلس اعضالری هم تورلی بهانه‌لر بیلن ولایتلر عمومی کیریش ایشیگیده تجارلردن ناقانونی پول آله‌دی دیگن.
جناب پسرلی‌گه کوره، حکومت مالیه بیرووچیلر بیلن ایکّی تامانلمه «ایریم حاللرده حکومت ایچیده‌گی بلند مرتبه‌لی رسمیلر رسمن مالیه بیریشدن باش تارته» دی.
صناعت و تجارت اتاقی نینگ اورین باسری خان جان الکوزی، حکومت تاجرلر ایشی رونقی اوچون اونچه‌لیک اعتبار بیرمه گن بولسه هم، لیکن سوداگرلر هیچ بیر زمان مالیه تولَشده کوتاهلیک قیلمه گنلر دیگن.
صناعت و تجارت اتاقی نینگ اورین باسری سوزلریگه کوره، مالیه توپلش تیزیمیده هنوز هم فساد موجودلیگی باعث ترانسپورت بولیمی نینگ قانونی‌گه اوزگریش کیریتیش لازم دیگن.
بیراق، مالیه وزیرلیگی نینگ سوزلاووچیسی اجمل عبید عبدالرحیمزی‌نینگ سلام‌وطندارگه بیرگن صحبتی‌ده، افغانستان مالیه وزیرلیگی بوتون مالیه تولش قانونینی خصوصی اداره‌لر مصلحت اوتکزگندن سونگ کوچگه کیریتگن دیگن.
