بوگون «سهشنبه» قیشلاقلرنی کینگهیتیریش و رواجلنتیریش وزیری مجیبالرحمان کریمی، مملکتنینگ 21 ولایتینینگ رواجلنتیریش کینگشلری بیلن 99 رواجلنتیریش پروژه شرطنامهسینی امضاءلهدی.
کریمی گه کوره، اوشبو پروژهلرنینگ خرجتی 240 میلیون افغانی دیر و بو پروژهلر جاری ییلنینگ آخریگچه یکونلنیب و فایدهلنیشگه تاپشیریلیشی توغریسیده قرار قیلینگن.
قیشلاقلرنی کینگهیتیریش و رواجلنتیریش وزیرینینگ ایتیشیچه، اوشبو پروژهلر ایچیملیک سوو قودیقلر قازیلیشی، سوو ییتکزیش ترماقلر توزهلیشی، سوو ییتکزیش کاناللر و ایچیملیک سوو ذخیرهلری قوریلیشیدن عبارت بولگن و بو پروژهلر عملگه آشیریلگن صورتده، مملکتده قوروقچیلیک بیر آز حل بولیشی ممکن.
قیشلاقلرنی کینگهیتیریش و رواجلنتیریش وزیری گه کوره، حاضر بوتون مملکتده چمهسی 17 میلیون کیشی صحی ایچیملیک سوو گه قول تاپیشدن محروم دیر و شونینگدیک، مملکتنینگ 21 ولایتی قوروقچیلیک و سوو کیملیگیگه روپهره بولیب تورگن.
