قورال‌لی طالب‌لر تخار ولایتی‌نینگ ایریم منطقه‌لریگه هجوم قیلمس‌دن آلدین ولایت‌نینگ ایندی بلاغت‌گه ییتگن گودک‌لرینی اوز صفیگه آلگن. تخار ولایت محلی رسمیلری‌نینگ ایتیشیچه، مذکور گروه ولایت‌نینگ خواجه‌غار، اشکمش و درقد ولسوال‌لیک‌لریگه حربی فعالیت‌نی باشله‌مسدن آلدین دینی مدرسه‌لردن 18دن کیچیک بولگن گودک‌لرنی اوز صفیگه آلگن‌لر.
ایندی بلاغت‌گه ییتگن گودک‌لرنی طالب‌لر اوز صفیگه آلیش مساله‌سی قندوز شهری قورال‌لی طالب‌لر نظارتی‌گه اوتگن‌دن کیین اوشبو گروه‌نینگ کیشی‌لری اوز هجوملرینی تخار ولایتی‌نینگ ینگی قلعه، خواجه‌غار و اشکمش ولسوال‌لیکلریده باشلگن بیر چاغده ایتیلماقده. حتی بیر مرته طالب‌لر خواجه‌غار مرکزینی 12ساعت اوز نظارتگه آلگن ایدی. دولت اداره‌لری همده اهالی یشش بنالرینی اوت‌گه یاندیرگن جنگری طالب‌لر ملی کوچلر تامانیدن آغیر تلفات کورگندن سونگ محل‌نی ترک قیلیب قاچیش‌گه مجبور بولگن.
تخار ولایتی‌ده قورال‌لی طالب‌لر منفعتی‌گه اوروش قیله‌دیگن گودک‌لر باره‌سیده سلام وطندارگه صحبت قیلگن خواجه ولسوالی ملامحمد عمرگه کوره، دینی مدرسه اوقوچی‌لری «ملابچه‌لر» جنگری طالب‌لر مذکور منطقه‌لرگه کیلیش بیلن قورالله‌نیب مذکور گروه‌گه قوشیلیب اوروش‌گه چیقن‌لر.
ایتیلیشیچه، یاشی 18 دن کیچیک بولگن اوشبو ایس‌بورون یاش‌لر انتحاری‌لر کبی اولگونچه اوروش قیله‌دیلر اولرنی یامغیر آستی‌ده توریب اوروش قیلیشی حیرتلی دییلگن.
نیچه ییلدن بیری قورال‌لی طالب‌لر برابریده اوروش قیلگن عمرنینگ سوزلریگه‌کوره، ملا بچه‌لر بهشت‌گه ییتیشیش اوچون طالب‌لرنینگ برچه فرمانلریدن اطاعت قیله‌دیلر. اونینگ حکایه قیلیشیچه، اوروش جریانی‌ده طالب‌لر ترانه‌لرنی ینگره‌تیب اولرنینگ قولاغی‌گه ییتکیزه‌دی و گودک‌لر ایسه توله قانلیک بیلن یاش‌لری کیچیک بولیشی‌گه قره‌می کته‌لر کبی اوروش قیله‌دیلر.
اوشبو خبرنی تصدیقله‌گن تخار امنیه قوماندانی نور محمد حکمی نینگ اظهاراتی‌گه کوره، طالب‌لر مذکور گودک‌لرنی قندوز و تخار ولایت‌لریده تنله‌گنلر. جنگریلر صفتیده ایندی بلاغت‌گه ییتگن گودک‌لر بارلیگینی تصدیقله‌گن ولایت والیسی‌نینگ سوزلاووچی‌سی سنت‌الله تیمورگه کوره، محلی حکومت بوندن آلدین جنگری طالب‌لرنینگ دینی مدرسه‌لرده فعالیتی بارلیگی توغریسیده انیق معلومات‌گه ایگه بولمه‌گن.
شونینگ‌دیک قورال‌لی طالب‌لر ایندی بلاغت‌گه ییتگن گودک‌لرنی اوز صف‌لریگه آلیشلرینی تصدیق ایتگن ایچکی ایش‌لر وزیرلیگی‌نینگ سوزلاووچی‌سی صدیقگه کوره، جنگری طالب‌لر 18 یاشگه ییتگن گودک‌لرنی کوپینچه کنر، ننگرهار و قندوز ولایت‌لریده تنله‌گنلر.
صدیقی، یقین‌ده تورت کیشی تامانیدن پاکستان‌گه آلیب کیتیله‌دیگن 41 گودک یول‌ده قوتقزیلگن‌لیکلری باره‌سیده خبر بیرگن.
بو توغریده تخار دین عالم‌لری کینگشی باشلیغی فکرینی اورگه‌نیش اوچون آلیب بارگن سعی وحرکتی‌میز نتیجه بیرمه‌دی.
بیرلشگن ملت‌لر تشکیلاتی‌نینگ باله‌لر کنوانسیونی‌گه موافق یاشی 18دن کیچک بولگن هر بیر انسان «باله» ایتیله‌دی و مذکور یاش‌ده بولگن‌لردن فایده‌له‌نیش ناقانونی دییلگن. اما ایریم گزارش‌لرده باله‌لر افغانستان‌ده اینیقسه مملکت‌نینگ چیکه حدودلریده قورال‌لی طالب‌لر تصرفی‌ده بولگن محل‌لرده بلاغت‌گه ییتمگه‌گن یاش‌لر کینگ کولم ده سوء استعمال بوله‌دیلر.
