افغانستان ایچکی ایشلر وزیرلیگی‌نینگ بلند مرتبه‌لی رسمیلری، ملی کوچلر شمالی ولایت‌لر جمله‌دن فاریاب، جوزجان، تخار و قندوز ولایت‌لریده سیاسی فایده‌له‌نیله‌دی دیگن‌لر
وزیرلیک‌نینگ اوشبو بلند مرتبه‌لی رسمیلری ترورچیلرنینگ فعالیتی توغریسی‌ده اشاره قیلیب ایتیشلریچه، طالبان و طیبه لشکری پاکستان اسختبارات اداره‌سی (آی اس ای) همکارلیگی بیلن توغریدن – توغری افغانستانده اوز فعالیتی‌گه دوام بیره دی.
ایچکی ایشلر وزیرلیگی‌نینگ امنیتی اورین باسری عبدالرحمان رحمان بوگون ( سه‌شبنه) نمانیده‌لر مجلسی‌نینگ عمومی ییغینی‌ده، پاکستان استخبارات اداره‌سی مملکت جنوب شرقی ولایت‌لریده‌گی نابرقرارلیک‌لرده توغریدن – توغری قولی بارلیگی‌نی اظهار قیلگن.
جناب رحمان، حاضرگی کون‌ده مملکت بویلب 15 ولایت جدی شکلده دولت قوراللی مخالف‌لری آرقه‌لی تهدید ایتیله دی لر دیگن.
شونینگ‌دیک جناب رحمان‌نینگ سوزلریگه قره‌گن‌ده امنیت اوتگن ییل‌گه قره‌گن‌ده یخشی لشگن. او، امنیت و برقرارلیک تامین ایتیلیشی اوچون هیچ قنده‌ی سعی وحرکت‌نی ایه‌مس لیگینی بیلدیرگن.
افغانستاندهگی حاضرگی امنیتی قیینچیلیک‌لرنی وقتینچه‌لیک دیگن وزیرلیک‌نینگ اوشبو اورین باسری بو معمالر تیزلیک‌ده حل بوله‌دی دیگن.
جناب رحمان، ملی کوچلر اینیقسه افغانستان ایچکی ایشلر وزیرلیگی دایم سیاستچیت‌لر تامانیدن سوء استعمال ایتیلیشی باره سیده ارغوله‌گن.
امنیتی کوچلر ایشی‌گه اره‌له‌شیش مساله‌سی بوندن نیچه وقت آلدین افغانستان جمهور رییسی محمد اشرف‌غنی و تیگیشلی وزیرلیک‌لر رسملری ملی کوچلرگه اره‌له‌شیش موضوعی گه پایان بیریلگن لیگی باره‌سیده خبر بیرگن پیت ده اظهار ایتیلماقده.
