مملکت شمالی بوییچه انسان حقلری کمیسیونی، مملکت شمالیده جایلشگن 4 ولایتده «کسلخانه‌لر و ساغلیک مرکز خذمت‌لریدن کسل‌لرنینگ رضایتی میزانی» نامیده بیر تدقیقات‌نی یولگه قویگن.
اوشبو تدقیقات مزارشریف، شبرغان، سرپل و ایبک شهرلریده جایلشگن 46 ساغلیک مرکزده صورت تاپگن. تدقیقات‌گه کوره، کسللردن 70% خذمت ترقه‌تیلیشی، 90% کسل‌لرنینگ آذیققه‌سی، 80% ایچیم‌لی سوو یوقلیگی، 60% درمانلش بهاسی نینگ یوقاری بولگنی، 50% یاتاق فضاسی و 40% ایسه درمانلش فضاسیدن ناراضلیک بیلدیرگنلر.
اوشبو تدقیقات مملکت 4 ولایتیده 500 کسل و کسل‌دارلردن صحبت اوتکزیش اساسیده تیارلنگن.
شمال زونی‌ده انسان حقلری کمیسیونی نینگ باشلیغی قاضی سیدمحمد سامع نینگ ایتیشیچه، ساغلیک مرکزلرده متخصص‌لرنینگ یوقلیگی، کسل‌لر بیلن سلیقهیی شکلده یول باریلیشی و داکترلر تامانیدن یخشی شکلده تشخیص ایتیلمه‌گنی کسل‌لر برابریده بولگن باشقه قیین‌چیلیک‌لردن دیر.
بلخ ولایتی بوییچه ساغلیق‌نی سقلش ریاستی نینگ ساری کسللرنی کنترل قیلیش مسوولی فهیم شریف‌یار نینگ اوشبو تدقیقات نتیجه‌سینی قبول قیلیب ایتیشیچه، کسل‌لرنینگ تنقیدلری و قیین‌چیلیک‌لری بلخ ولایتی بوییچه ساغلیق‌نی سقلش ریاستی تامانیدن تیکشیریله‌دی.
شمال زونی‌ده انسان حقلری کمیسیونی، ساغلیق‌نی سقلش وزیرلیگی‌دن ساغلیک خذمت‌لرنی کنیگی‌تیریش و اهالی قیین‌چیلیگی‌گه حل یول تاپیش اوچون سعی و حرکت قیلیشی‌نی سوره‌گن.
