شرق حوزه‌سیده بیرینچی برنج ایشلب چیقاریش جریانی باشلندی. مذکور کارخانه ننگرهار ولایتی نینگ بهسود تومنیده ایچکی سرمایه‌دارلردن بیری و امیریکه قوشمه ایالتی نینگ خلق ارا یوکسه‌تیش اداره‌سی (USAID) مالی حمایتی بیلن ایشگه باشله‌گن.
اوشبو کارخانه باشلیغی ملک غلام‌نبی نینگ ایتیشیچه، مذکور ایش خانه 15 فایز پولی اقش نینگ خلق ارا یوکسه‌تیش اداره‌سی تامانیدن بولیب 1.5 میلیون دالر هزینه کوترگن.
جناب غلام‌نبی‌گه کوره، مذکور کارخانه بیرساعت‌ده 5 تُن برنج ایشلب چیقاریشگه قادر.
جناب نبی نینگ کوپه‌یتیریشیچه، شوحاضر اوشبو کارخانه‌ده 50 که یقین نفر ایشگه مصروف، بیراق بلواسطه 4 مینگ کیشیگه ایش زمینه‌سی یره تیله‌دی.
اوشبو ایش خانه ایجاد ایتیلیشینی محل یشاوچیلری و ایکینچی‌لر خوش قرشیله‌گن و مملکت سوداگرلریدن برنج ایشلب چیقاریش بولیمی‌ده سرمایه یاتقیزیشلرینی طلب قیلگنلر.
اقتصادی ایش بیلرمانلرگه کوره، ایچکی ایکینلر اوره‌ش جریانی کوپلگن تقدیرده، بیرتاماندن ایکینچی‌لر محصولات بهاسی یوقاری کیته‌دی و باشقه تاماندن یشاوچیلر تشقی محصولاتلردن آز آله‌دیلر.
