افغانستان ساغلیقنی سقلش وزیرلیگی نینگ مسووللری، میلادی 2017- ییل باله‌لرنی پولیوگه قرشی ایملش قیشگی کمپاینی نینگ بیرینچی باسقیچی ایرته (دوشنبه) مملکت بویلب باشله‌نیشی باره‌سیده خبر بیردیلر. رسمیلر، بو لایحه اوچ کون دوام ایته‌دی دیگنلر.
ساغلیقنی سقلش وزیرلیگی پولیوی بولیمی نینگ مسوولی میوند احمدزی، فلج نی بوتونلی نابود قیلیش اوچون بو توغریده جدی کوره‌ش آلیب باریشلری اوستیده تاکید قیلگن. مملکت بولیب 9.5 میلیون گودک فلج‌گه قرشی ایملنه‌دی دیدی رسمیلر. اونینگ سوزلریگه کوره، بو رقمدن 6 میلیون باله ایسه افغانستان نینگ جنوب، شرق و جنوب شرقی حدودلرده فلج تهدیدگه روپه ره‌لر.
ساغلیقنی سقلش پولیو مسوولی، جاری ییلده ایملش دستورینی عملگه آشیریش اوچون 60 میلیون اقش دالری اختصاصلشتیریلگن دیگنلر. احتیاج سیزیلگن تقدیرده بو توغریده باشقه تشکیلاتلر هم یارم بیریشی ایتیله‌دی.
یونسف تشکلیاتی باله‌لر فلج بولیمی نینگ رییسی ملیسا کورکوم، پولیو ایلدیزدن یوق ایتیلیشی اوچون افغانستان نیچه قدمده تورگن دیگن. بو مملکتده پولیو بوتونلی نابود بولیشی مقصدیده اهالی ساغلیقنی سقلش مسووللریگه همکارلیک قیلیشلری ضرور دیگن ملیسا.
ساغلیقنی سقلش وزیرلیگی نینگ مسووللری، میلادی 2016 ییلده پکتیکا ولایتی نینگ برمل تومنی، هلمند نینگ نوزاد، کنرنینگ شگیل و قندهار نینگ ایسه شاه‌ولی کوت تومنلریده 13 مورد پولیو موجودلیگی گزارش بیریلگن ایدی. لیکن، سونگی 7 آیده هیچ بیر واقعه گزارش قیلینمه‌‌گن.
