بوندن بویان حکومت اداره‌لریده هفته‌لرچه بیر ایش اوچون کوتیب قالمی‌سیز و اداره‌لرده دربدرلیکده یوریشلر آلدی آلینماقده. بوگون (دوشنبه) کابل بلدیه‌سی و اداری اصلاحات کمیسیونی اورته‌سیده کابلده اداری ایشلر ساده‌لیک بیلن عملگه آشیریلیش بیتیمی‌گه قول قوییلدی و بوندن بویان 7 بولیم‌ده اداری ایشلرنی تیزلیکده بجریلیشی کوتیله‌دی.
کابل بلدیه‌سی‌نینگ ملکی خذمتلر معینی مسیح‌الله محبوب نینگ ایتیشیچه، اداری بولیم‌لرده اهالی قیینچی‌لیگینی آسانلشتیریشده ایش قیلینه‌دی. اونگه کوره، حقوقی ییرلر، صفایی محصولاتلرینی قولگه کیلتیریش، ییرلرنی عامه ویلشتیریش، بیرینچی قباله و عمومیلشتیریش بولیم‌لرینی قیسقرتیرگنلر و یشاوچیلر آز مدتده یوقاریده‌گی ایشلرینی بجریشگه اولگوره آله‌دیلر.
کابل بلدیه‌سی نینگ ملکی خذمتلر معینی نینگ کوپه‌یتیریشیچه: «صفایی محصولاتینی قولگه کیلتیریش ایشی 20 قدمدن 6 قدم‌گه و 14 کوندن 3 کونگه، ییرنی استملاک و توزیع قیلیش ایشی 220 قدمدن 60 قدم‌گه و 351 کوندن 30 کونگه و بیرینچی قباله اجرا ایتیلیش ایشی و اضافه قیلیش ایشی 88 قدمدن 12 قدم گه و 84 کوندن 6 کونگه آزه یتیریلگن.»
اداری اصلاحات ملکی خدمتلر اداره‌سی عمومی باشلیغی احمدمسعود توخی نینگ ایتیشیچه، بوندن آلدین اداره‌لر ایشلری یاپیق حالتده قالیب کیتردی، بیراق اوشبو تیزیم یخشی مدیریت و تیکشیریش زمینه‌سینی یره‌تیب ایشلرنی ساده‌لشیشگه سبب بوله‌دی.
اداری اصلاحات کمیسیونی و ملکی خدمتلر رسمی‌لری نینگ ایتیشلریچه، اوتمیش 7 آی مابینیده کابینه تامانیدن 159 اداری تیزیم تصویب بولگن و اداری اصلاحات و ملکی خدمتلر کمیسیونی یاردمی‌ده 94 ته‌سی عملی بولگن و باشقه 57 ته‌سی اداره‌لر تامانیدن ساده‌لشتیریلگن.
