قشاقلیک و ایش سیزلیک باره‌سیده شکایت قیلگن بیر قنچه افغانستانلیک‌لر، نفتی ماده‌لر نرخی توشگنی‌گه قره‌می، نقلیه واسطه‌لر کرایه‌سی هنوز اوزگرمه‌گن دیگن‌لر.
کابل – مملکت شمالی ولایت‌لریدن قتنیدیگن قطار یولاووچی‌لر، آلدین‌گی آی‌لرگه قره‌گن‌ده، یاقیلغی ماده‌سی نرخی 50% کمیگن؛ اما، هنوز هم نقلیه واسطه‌لر کرایه‌سی ارزان بولمه‌گن لیگیدن شکایت قیلگن‌لر. اولر، مملکت‌ده‌گی ایرکین بازار بو مساله‌گه سبب بولگن دیگن‌لر.
مملکت ترانسپورت وزیرلیگی‌نینگ سوزلاووچی‌سی حمکت‌الله قووانچ، موترلر کرایه‌سی ارزان بولیشی اوچون ینگی بیر لایحه ایشلنگن دیگن. اونگه کوره، مذکور لایحه کیلگوسی هفته‌لرده عملی بوله‌دی.
.jpg)
اما، کابل‌ده ایریم موتر هیداووچی‌لرنینگ سوزلری‌گه کوره، یاقیلغی ماده‌لر نرخی توشگن‌دن بیری نقلیه واسطه کرایه‌سی ارزان قیلگن‌لر. شونینگ‌دیک دنیا بازارلریده نفت ماده‌لر نرخی کوتیلمه‌گن درجه‌ده ارزان بولیشی‌گه قره‌می، هنوز هم افغانستان‌ده یاقیلغی ماده‌سی نرخی اونچه‌لیک ارزان بولمه‌گن.
تجارت وزیرلیگی‌نینگ سوزلاووچی‌سی مسافر قوقندی‌نینگ سلام‌وطندارگه ایتیشیچه، دنیا بازارلریده فقط خام مواد نرخی توشگن، بیراق، افغانستان یاقیلغی ماده‌نی پیشیق ساتیب آله‌دی.
تجارت وزیرلیگی‌نینگ سوزلاووچی‌سی، بازار اقتصادی تیزیم‌گه استوارو بولگنی اوچون حکومت فقط نظارت قیله‌دی. لیکن، حکومت نفت ماده‌سی ارزان بولیشی اوچون شرکت‌لر ایشی اره‌لشه آلمیدی دیگن.
