پارلمان نماینده‌لریدن بیرقطاری، مملکت‌ده ناقانونی قورالی گروه ایجاد ایتیلیشی اوچون میش – میش‌لر کوپیگنی بارهسیده خواطر بیلدیرگن‌لر. اولرنینگ ایتیشیچه، حکومت رسمی‌لری تامانیدن ناقانونی قوراللی گروه ایجاد ایتیلیشی افغانستان قوم‌لری اورته‌سیده قره‌مه قرشی‌لیک‌لر توغدیریش‌گه سبب بوله‌دی.
پارلمان ایکینچی اورین باسری نذیر احمدزی، یک‌شبنه کون اوتکزیلگن خبری ییغین‌ده ایتیشیچه، شهر یشاووچیلری گروهی شکلده اونینگ آلدی‌گه تشریف بویوریب و ناقانونی قوراللی گروه‌لر ایجاد ایتیلیشی توغری‌سیده تشویش بیلدیرگن‌لر.
جناب احمدزی‌گه کوره، مملکت خلقی تیزلیکده ناقانونی قوراللی گروه تشکیل ایتیلیشی توخته‌تیلیشی‌نی سوره‌گن‌لر. او، جمهور رییس‌دن ناقانونی قوراللی گروه ایجاد ایتیلیشی‌گه توسیق بولیب و مملکت یشاووچیلری اورته‌سیده قره‌مه قرشی‌لیک ایجاد ایتیلیشی باشقریشی‌نی سوره‌گن.
احمدزی‌نینگ ایتیشیچه، ناقانونی قوراللی گروه تشکیل ایتیش اورنی‌ده، امنیتی کوچلرگه دقت قیلیش کیره‌ک. پارلمان‌نی ایکینچی اورین باسری‌نینگ ایسلشیچه، ناقانونی قوراللی گروه ایجاد ایتیلمس‌لیگی توغری‌سیده، ایچکی ایشلر وزیرلیگی و ملی امنیت ریاستی‌گه مکتوب یوبارگن.
احمدزی‌گه کوره، ناقانونی قورالی گروه‌لر حکومت‌دن جهازلنیش اوچون 73 میل پیکا و 400 میل کلاشینکوف بیریشی‌نی سوره‌گن‌لر.
بوندن آلدین، جمهور رییس بیرینچی اورین باسری عبدالرشید دوستم‌نینگ ناقانونی قوراللی گروه ایجاد ایتیشی توغری‌سیده ایتیشیچه، بونده‌ی بیر گروه‌نینگ تشکیل ایتیش‌دن مقصد مملکت امنیتی‌نی تأمین‌لش دیر.
عین حالده، پارلمان نماینده‌لریدن بیری غلام حسین ناصری، سلام‌وطندار بیلن تلیفونی سوزله‌شیب بو مسئله توغری‌سیده، ملیشه آتی آستیده بولگن هرقندی قوراللی تشکیلات‌گه قرشی دیر. شونینگ‌دیک، او، بونده‌ی بیر گروه‌لر ایجاد ایتیلیشی‌نی مملکت یشاووچیلری اورته‌سیده قره‌مه قرشی‌لیک‌لرگه سبب بوله‌دی دیب بیله‌دی.
پارلمان نماینده‌لریدن باشقه بیری آرین یون، 70- دهه‌دن ایسلب ایتیشیچه، ایریم قوراللی گروه‌لر سبب، شو ییل‌لرده 60 مینگ‌دن آشه‌راق گناه‌سیز یشاووچی مملکت‌ده هلاک بولگن.
بوندن آلدین، جمهور رییس بیرینچی اورین باسری و اجراییه ریاستی ایکینچی اورین باسری تامانیدن مملکت شمالی‌ده امنیت تأمین‌لنیشی خصوصیده، ناقانونی قورالی گروه تشکیل ایتیلیشی توغری‌سیده میش – مش‌لر بار ایدی. بیراق بو میش – میش‌لر جناب دوستم تامانیدن رد ایتیلدی. جمهور رییس بیرینچی اورین باسری بو مطلب‌نی رد ایتیب ایتیشیچه، او حکومت ملازمی دیر و هیچ قچان ناقانونی قورالی گروه ایجاد ایتیش‌گه قول اورمه‌یدی.
جاری ییل باشلنگنی‌دن بویان، طالب‌لر تامانیدن مملکت شمال ولایت‌لری ایریم تومن‌لریده گروهی هجوم‌لر شدت لندی. انه‌شو سبب، حکومت رسمی‌لریدن بیرقطاری شمالی ولایت‌لرده امنیت تأمین‌لنیشی خصوصیده، ناقانونی قورالی گروه تشکیل ایتیشی بارهسیده سوز یوریتکن‌لر.
