ساغلیک وزیرلیگی نینگ ایتیشیچه، اوتگن 24 ساعت ده 17 ولایتده کرونا ویروسی نینگ 133 ینگی ایجابی واقعه‌سی قید ایتیلگن.
کرونا ویروسی نینگ کوپینچه ایجابی واقعه‌سی کابل، هرات، بلخ و قندهار ولایت‌لریده قید ایتیلگن.
بوگون (شنبه 6- ثور) ساغلیک وزیرلیگی سوزلاوچیسی وحیدالله مایار خبری بیر ییغین اوتکزیب ایتیشیچه، اوتگن 24 ساعت ده 16 کیشی کابل، 25 کیشی هرات، 21 کیشی بلخ، 20 کیشی قندهار، 7 کیشی سمنگان، 7 کیشی نیمروز، اوچ اوچ کیشی لوگر، کاپیسا و زابل، ایکی ایکی کیشی بامیان، ارزگان و غور و باشقه بیر بیر کیشی میدان‌وردک، بغلان، پروان و هلمند ولایتی‌ده کرونا ویروسی گه چلینگن.
مذکور واقعه‌لر قید ایتیلیشی بیلن مملکت نینگ 32 ولایتی‌ده کرونا ویروسی گه چلینگنلر رقمی 1 مینگ‌و 463 کیشی گه ییتیشدی.
جناب مایار نینگ کوپه‌یتیریشیچه، اوتگن 24 ساعت ده کرونا کسل‌لیگی گه چلینگن 4 کیشی هلاک بولگن کیم بو رقم بیلن کرونا ویروسی باعث جان بیرگنلر رقمی 47 کیشی گه ییتیشدی. ساغلیک وزیرلیگی گه کوره، حاضرگچه کرونا ویروسی گه چلینگن 188 کیشی دارولنگن.
