اوتگن هفته دبی ده بولیب اوتگن دنیا کرکت کینگاشی نینگ ییللیک اولتیریشیده افغانستان و ایرلند کرکتی اوچون اونملی بیر کیلیشیک بولدی. دنیا کرکت کینگاشی نینگ سونگی فیصله سی اساسیده افغانستان و ایرلند ملی کرکت تیمی، موندن کیین دنیا برترلیگیده بازی قیلمیدیلر، بیلکیم ایرکین شکلیده 2019 – ییلده بولهدیگن جهانی جام اوچون سیکیزینچی قطاردهگی جدولده کیریب، جهانی جامی نینگ 50 آورهلیک اوینلریده قتنشهدیلر. اگر افغانستان جهانی جامی نینگ کرکت اوینلریده کیرماقچی بولسه – ده، باید 2017- ییل سپتمبریدن می آییلریگه قدر دنیا کوچلی 8 تیمی ارا اورین آلیشی کیرهک. افغانستان کرکت تیمی میلادی 2019- ییل جهانی جامی نینگ اوینلریده قتنهش ماقچی بولسه، باید بنگلادیش، زیمبابوه و ویستاندیز تیملرینی اینگهیتیرسه.
اما موندن کیین افغانستان بیلن ایرلند کرکت تیملری اوچون کوچلی تیملر بیرکونلیک اوینلریده کیریش اوچون اوزگریش کیلمیدی.
کیلهجکده افغانستان کرکت تیمی باشقه تیملر یانیده ایلغارلیک اسره شی، « تور ت ییل» لیک برنامه لرنی کوزگه توتسه، تا اونگه کوره اولکهلر تفاهمی بیلن بیرکونلیک اوینلر یولگه تشلشلری یاردمیده جهانی کرکت اوچون اوز اورنینی ثابت اسره شگه قادر بولسه.
ایتیش کیرهک، شو حاضر افغانستان کرکت تیمی دنیا 10 تیمیدن کیین 11 – اورینده قرار تاپگن و ایکینچی تیملر ارا بیرینچی اوریننی اوزیگه اختصاص بیرگن. شو حاضر بیرینچی اورینده بولگن 10 تیم جهانی کرکت دایمی عضویتینی کسب قیلگن. شو حاضر آسترالیا، هند، جنوبی آفریقا، سریلانکا، انگلستان، نیوزیلاند، پاکستان، ویستاندیز، بنگلادیش و زیمبابوه جهان 10 کتته تیملریدن دیر.
بوگزارش اساسیده بو 10 تیم جهانی جامی نینگ 2019- ییل 50 آوره لیک اوینیده عضویت آلگن و افغانستان هم قیله آلسه 8- اورینده ایریشالسه، آسترالیا، جنوبی آفریقا و هندوستان تیملری دیک بو اوینلرده قتنه شیش چانسینی قولگه کیلتیره دی. اگر بو اوریننی قولگه کیلتیرالمه گن صورتده ینه 2018- ییلده توقیزینچی، اونینچی، اونبیرینچی و اونیکینچی تیملر ارا جهانی جام اوینلریگه قتنه شیش اوچون ایکی مقام اوچون اوز ارا اویینلرنی یولگه تشلیدیلر.
