ساغلیک وزیرلیگی نینگ ساغلیک خدمتلر ترقه‌تیش اورین‌باسری وحیدالله مجروح بیر ویدیو آرقه‌لی خبرچی‌لرگه ایتیشیچه، اوتگن 24 ساعت‌ده مملکتده کرونا ویروسی گه شبهه‌لی 985 واقعه تیکشیریلگن کیم، بولردن 623 ته‌سی ایجابی انیق‌لنگن.
اونگه کوره، اوتگن بیر کیچه – کوندوز ده کرونا ویروسی گه چلینگن 11 کیشی جان بیرگن و شونینگدیک بو ویروس گه چلینگن باشقه 50 کیشی دارولنگن.
مذکور ینگی واقعه‌لر قید ایتیلیشی بیلن مملکتده کرونا ویروسی گه چلینگنلر رقمی 13 مینگ و 659 کیشی گه ییتیشگن.
عین حالده ساغلیک وزیرلیگی نینگ معلوماتی اساسیده، مملکتده کرونا ویروسی نینگ بیرینچی ایجابی واقعه‌سی قید ایتیلگنیدن بویان، 13 مینگ و 659 کیشی بو ویروس گه چلینگن کیم بولردن 1259 ته‌سی دارولنگن و شونینگدیک باشقه 246 ته‌سی مذکور ویروس باعث جان بیرگن.
شونینگدیک دنیا ده حاضرگچه 5 میلیون و 910 مینگ و 720 کیشی کرونا ویروسی گه چلینگن کیم بولردن 2 میلیون و 583 مینگ و 672 ته‌سی ایسه دارولنگن و 362 مینگ و 124 کیشی بو ویروس باعث جان بیرگن.
