«افغانستان نوین جبهه» ناملی ایتلاف باشلیغی انورالحق احدی، سیلاولر اصلاحات موضوعی‌نی تنقید قیلیب، بو باره‌ده جمهور رییس‌نینگ صادر قیلگن فرمانی‌نی «سیاسی معامله» دیگن.
بوگون (سه‌شنبه) کابل‌ده بیر خبری انجمن‌ده اشتراک قیلگن جناب احدی، تنلاو کمیته‌سیگه اپوزسیون‌لر و حزب‌لری رولی نظرده توتیلمه‌گن دیگن.
احدی، جمهور رییس فرمانی‌نینگ اصلی نسخه‌سی عاموی اخبارات واسطه‌لری اختیاریگه قوییلمه‌گن لیگی ایریم سوراق‌لرنی پیدا قیلگن دیگن.
ملی نوین جبهه‌سی بوندن ایکی آی آلدین تاسیس ایتیلدی. اوشبو سیاسی جریانگه قطار حزب‌لر، مدنی فعاللر، سیاسی شخصیت‌لر و سابق والی‌لر اعضالیک قیله‌دی.
احدی‌گه کوره، تنلاو کمیته‌سی‌نینگ اعضالری آلدین‌دن نماینده‌لر مجلسی‌گه معلوم ایتیلگن و « بو مرته هم اوشبو بو اداره سیاسی بولگنی اوچون اوز شفاف لیگینی قولدن بیره‌دی»
مذکور سوزلر بوندن نیچه وقت آلدین سیلاولر تیزیم‌گه اصلاحات کیریتیش اوچون جمهور رییس غنی‌نینگ فرمانی ملی مجلس تامانیدن رد ایتیلگن بیر چاغده تیل‌گه آلینماقده.
یوسف نورستانی رهبرلیگیده بولگن سیلاولر مستقل کمیسیونی 1395- ییل 24 میزان نی پارلمانی همده ولسواللیک کینگش سیلاولری اوتکزیلیشی اوچون تعین قیگلن.
