نماینده‌لر مجلسی اوزی‌نینگ بوگونکه عمومی ییغینیده جنرال دوستم و کیشیلری آرقه‌لی احمد ایشچی جنسی زوروانلیک‌که آلینگن لیگی توغریسیده‌گی عیبلاونی «اویتلی» دیب، حکومتدن مساله تیزلیکده اورگه‌نیلیشینی سوره‌گنلر. نماینده‌لر مجلسی نینگ بیر قنچه اعضاسی جمهور رییس‌نینگ بیرینچی اورین باسری و کیشیلری تامانیدن احمد ایشچی‌گه نسبتن یوز بیرگن قیلمیش افغانستان و دنیا بویلیب «اویت» دیگنلر.
مجلس‌نینگ بیرینچی اورین باسری عبدالظاهر قدیر حکومتدن مساله عدالتلی روشده اورگه‌نیلیشینی طلب قیلگن. شونینگدیک مجلس نینگ کاتبی عبدالرووف انعامی جنرال دوستم و احمد ایشچی‌نینگ مساله‌سی افغانستان‌نی دنیا بویلب بدنام قیلدی حاضر کوپینچه دولتلر افغانستان فقراسیگه سفر رخصتینی بیرمیدیلر دیدی.
اما، نماینده‌لر مجلسی نینگ اعضاسی ینه جنبش حزبی نینگ سوزلاووچیسی بشیراحمد ته‌ینچ ایشچی ادعالرینی رد قیلیب، بوندن آلدین هم جنرال دوستم و احمد ایشچی اورته‌سیده بونده‌ی قیین چیلیکلر بار ایدی دیگن. حاضر ایسه ایشچی بونده‌ی بیر مساله‌نی ایلگری سوریش بیلن بیرینچی اورین باسر شخصیتی‌نی ترور قیلماقچی بوله‌دی دیگن ته‌ینچ.
بوگون توشدن سونگ خبری بیر انجمنده سوزله‌گن جناب ته‌ینچ احمد ایشچی‌نی تیلگه آلگن موضوعلرینی بوتونلی نا درست دیب، بو قبیل سوزلر مملکت فایده‌سی‌گه ایمس دیگن.
ایشچی نینگ ادعالرینی اویتلی همده سوال توغدیروچی دیگن ته‌ینچ اعترضچی‌دن بو توغریده حجتی بولگن حالده، عدلی و قضایی اداره‌لرگه بیریشینی سوره‌گن. افغانستان جنبش حزبی نینگ سوزلاووچیسی مملکت خلقیدن شاشمس‌دن قرار آلمی موضوعنی حوصله‌مندلیک بیلن قضاوت قیلیشلرینی سوره‌گن.
افغانستان جنبش حزبی نینگ سابق اعضالریدن بولمیش احمد ایچشی قوس آیی نینگ آلتینچی کونی جوزجان مرکزی شبرغان شهریده‌گی اوغلاق میدانیده جمهور رییس نینگ بیرینچی اورین باسری تامانیدن کلتکلنگندن سونگ چمه‌سی بیش کون جنرال دوستم نینگ شخصی اویده قماقده بولگن.
جناب ایچشی اوتگن کون اخبارات واسطه‌لریگه: « جنرال دوستم نیچه بار مینگه یقینلشدی، سونگ تَن قوریقچیلری‌نینگ اون تَه‌سیگه کمینه‌نی جنسی تجاوز قیلیش اوچون بویروق بیریب مقعدیمدن قان کیلمه‌گونگه قدر اوستیمدن قول تارتمس‌لیگینی سوره‌دی» دیدی. جنبش حزبی نینگ اوشبو سابق اعضاسی دوستم نینگ تن ساقچیلری یَپ یلنغاچ بیش کون حبس‌ده قویگن لیگینی تیلگه آلگن.
درحال جناب ایشچی مساله‌سی باره‌سیده اروپا بیرلشمه‌سی، آسترلیا، کانادا، ناروی و امریکا نینگ افغانستان‌ده‌گی ایلچیلیگی خبرنامه نشر قیلیب، افغانستان حکومتیدن بو توغریده جدی تیشکروو آلیب باریشنی سوره‌دی.
افغانستان جمهور رییسلیک سرایی بیر بیانات ترقه‌تیب، « افغانستان اسلامی جمهورلیگی اسلام قدریتی همده مملکت اساسی قانونی ینه خلق ارا میثاقلرگه موافق مملکت هر بیر یشاووچیسی‌نینگ جانی، عزتی، خوفسیزلیگی و انسانی حق و حقوقینی سقلش اساسی مجبوریتلریدن ایکن‌لیگی‌گه اشاره قیلگن»
شونینگدیک خبرنامه‌ده افغانستان دولتی احمد ایچشی‌نینگ حادثه‌سی جنرال دوستم و اونینگ کیشیلری جنسی زورلیش عیبلاولری بوتکول تیکشیریلیب تحقیقات جریاینده قولگه کیریتیلگن نتجه‌گه موافق مملکت عدلی وقضایی اداره‌لری آرقه‌لی بو توغریده طرف‌سیزلیک و مستقل روشده ایش کوره‌دی دییلگن.
