فالچی‌لیک افغانستان‌ده اوزاق تاریخ‌گه ایگه. فال‌گه ایشانچی بولگن کیشی‌لر قیین‌چیلیک‌لری ایشیگی آچیلیشی اوچون فالچی یوزلنه دیلر. بو بیلن بیرگه فالچی‌لیک ینه تعویذیازیش افغانستان‌ده درآمدی کوپ بولگن کسب‌لردن سنه‌له‌دی.
تورلی خرافات‌لرگه خلق‌نینگ اعتقادی و ایشانچی کوپ بولگنی سبب تعویذیازیش و فالچی‌لیک مرکزلری خوش قرشیلنه‌دی. کیشینی دقتی‌نی اوزیگه جلب ایته‌دیگن مهم نقطه اوشبو مرکزلر مراجعین‌لری‌نینگ کوپچی‌لیگی عیاللر بولگنی دیر.
گاردین‌نینگ یقین‌ده ترقتگن گزارشی‌ده فالچی‌لیک کبسی بیلن بوتون حیاتینی اوزگرگن بیر ایرکک باره‌سیده حکایه قیلینه‌دی. عربشاه ییگیرمه ییل‌دن بیری فال کوریش و تعویذ یازیش بیلن شغللنه‌دی. اونگه هر آی کمیده بیر مینگ کیشی مراجعه قیله‌دی. عرب‌شاه‌نینگ سوزلریگه کوره، مذکور ایش‌گه یوزکیلتیرمس‌دن آلدین قیسقه بیر مددت افغانستان ملی امنیت اداره‌سیده وظیفه بجرگن.
کابل فالچی، فال کوریشنی اورگه‌نیش همده بو حرفهنی کسب قییلیش اوچون روسیه‌نینگ ولگراد شهریگه باریب، او ییرده ماوارا جهان بیلن علاقه‌سی بولگن ایریم مهارت‌لرنی اورگه‌نیش‌گه سعی و حرکت قیله‌دی.
عرب‌شاه‌نینگ ایش میزی اوستی‌ده سی – دی لر تورلی عنوانلی کتاب‌لر جمله‌دن هپنوتیزم، کف‌شناسی و تعویذنویسی موجود.
گاردین خبرچی‌سی عرب‌شاه‌دن بار- بار جن‌نی کورسه‌تیش‌نی التماس قیله‌دی؛ لیکن، عربشاه تورلی بهانه‌لر بیلن «جن‌لرنی مینگه ایشی یوق، لیکن چقیرسم سینگه زیان ییتکزیشی‌دن قورقه‌من دیدی. دستلب گوگل‌ده هوا وضعیتی‌نی اورگه‌نیشیم اوچون مینگه رخصت بیر، قنی ایرتگچه نیمه بوله‌دی.»
عربشاه یالغوز افغان‌ستانلیک مراجعین‌لرگه چیکله‌نیب قالمی، بلکه چیگره نریاغیدن هم او بیلن تیلفون آرقه‌لی علاقه‌ده بوله دیلر. غرب دولت‌لریده اسقتامت قیله‌دیگن مهاجرلر ایریم داستان‌لردن فتو صورت‌لر یوباریش بیلن کابل‌لیک فالچی‌دن مذکور صورت‌لرنی کوریب قیین‌چیلیک‌لری حل بولیشی اوچون ایچیم یول سوره‌دیلر.
سونگی وقت‌لرده عربشاه ایشی درست صورت‌ده بجریلیشی اوچون بیشته قول تیلفونی‌گه جواب بیریش اوچون بیر کیشینی هم خذمت‌گه آلگن. عرب‌شاه‌نینگ ایکّی‌ته «سامسونگ گلاکسی»، بیرته «آیفون» بیرته هم «اچ تی سی» و بیر «اپل واچ» قول تیلفونی بار.
شونینگ‌دیک عربشاه توش‌ده آوقت‌له‌نیش نیت‌ده شهرده‌گی اینگ یخشی رستوانت‌لردن بیرگه باریب یاقتیره دیگن آوقتی بولیمش ماهیچه تناول قیله‌دی.
طبیعت‌دن تشقری هر قنده‌ی مساله‌گه ایشانچ و اعتقاد کوپراق بولسه شو قدر کابل‌لیک فالچی‌نینگ اقتصادی وضعیتی یخشی لنه‌دی. کابل‌لیک فالچی اختیاریده بولگن کته مبلغ بیلن سرمایه یاتقیزیش اوچون ینگی بیر لایحه هم ایشلب چیققن، او تیزلیک‌ده مذکور سرمایه‌نی ایش‌گه سالیشی ایتیله‌دی.
