اوتگن کون افغانستان تینچلیگی بوییچه آمریکا خاص نماینده‌سی زلمی خلیلزاد، آمریکا حکومتی نینگ تیکشیرووی اساسیده، کابل و ننگرهار ولایتیده‌گی سونگی هجوم‌لرگه داعش گروهی نینگ قولی بار دیگن ایدی.
بیراق ملی خوفسیزلیک کینگش سوزلاوچیسی جاوید فیصل خلیلزاد نینگ بیاناتی گه عکس‌العمل بیلدیریب و اوندن بو ادعالری توغریسیده حجت بولگن حالده، اونینگ افغانستان دولتی و اهالیسی بیلن شریک قیلیشی نی سوره‌دی.
خلیلزاد، خبرچیلر بیلن تصویری بیر ییغین اوتکزیب ایتیشیچه، افغانستان حکومتی و طالبان بیربیراولرنی مقصر بیلیش اورنیده، داعش گروهی گه قرشی کوره‌ش اوچون همکارلیک قیلیش‌لری کیره‌ک.
بیراق افغانستان رسمی‌لری بو هجوم‌لرنی طالبان گروهی گه نسبت بیرگن.
بوگون (شنبه 27- ثور) جناب فیصل خبری بیر ییغین اوتکزیب خلیلزاد طالبان و داعش بیر بیراوی نینگ دشمنی دیگن بیاناتی گه عکس‌العمل بیلدیریب ایتیشیچه، مذکور ایکی ترورچیلیک گروه نینگ یخشی و دواملی علاقه‌لری بار.
اونگه کوره، طالبان آرقه‌لی ناتینچ قیلینگن منطقه‌لرده داعش گروهی فعالیت قیله‌دی. فیصل نینگ کوپه‌یتیریشیچه، اوشبو ایکی گروه نینگ بیر مقصدی بار و شو یوزه‌دن اولر بیربیراولری گه همکارلیک قیله‌دی.
شونینگدیک بوگون مملکت امنیتی و مدافعه کوچلری قوشمه بیر اعلامیه ترقه‌تیب ایتیشیچه، طالبان گروهی عامه توشونچه‌سی نینگ باسیمی باعث، دشت برچی‌ده بولگن هجوم گه قولی بارلیگی نی رد قیلگن.
عین حالده، ملی خوفسیزلیک کینگش سوزلاوچیسی نینگ کوپه‌یتیریشیچه، رمضان آیی نینگ اوچینچی هفته‌سینی جریانیده طالبان جنگریلری 21 ولایتده 79 تینچ‌اهالینی اولدیریب و باشقه 218 یره‌لنتیرگن.
اونگه کوره، بو پیتده 249 طالب امنیتی کوچلر بیلن اوتکزگن آتیشمه جریانیده هلاک و باشقه 138 طالب یره‌لنگن.
طالبان حاضرگچه بو توغریده فکر بیلدیرمه‌گن.
