ملی خوفسیزلیک کینگش دفتری نینگ ایتیشیچه، اوتگن بیر هفته جریانیده طالبان 23 تینچ‌اهالی نی اولدیرگن.
بوگون (شنبه 21- سرطان) مذکور نهاد تامانیدن ترقه‌تیلگن خبرنامه‌ده کیلیشیچه، طالبان بو پیتده باشقه 45 تینچ‌اهالی نی یره‌لنتیرگن.
خبرنامه‌دن نقل قیلینیشیچه، مذکور رقم تینچ‌اهالی 16 ولایتده طالبان گروهی نینگ 284 ترورچیلیک فعالیتی باعث هلاک و یره‌لنگن.
ملی خوفسیزلیک کینگش دفتری نینگ خبرنامه‌سی اساسیده، اوتگن هفته جریانیده کوپینچه تلفات نی کابل، ننگرهار، کندهار، پکتیکا، تخار، بغلان و هرات تینچ‌اهالیسی کورگن.
خبرنامه نینگ کوپه‌یتیریشیچه، دولت هر دایم زوروانلیکلر توخته‌تیلیشی اوستیگه اورغوله‌یدی، بیراق طالبان برچه تامان‌لرنینگ ایسته‌کلریگه دقت قیلمه‌ی تینچ‌اهالی نی اولدیریش گه دوام بیره‌دی.
طالبان حاضرگچه بو توغریده فکر بیلدیرمه‌گن.
