ملی خوفسیزلیک کینگش دفتری نینگ اعلام قیلیشیچه، اوتگن بیر هفته‌ده طالبان گروهی نینگ هجوم‌لری باعث 46 تینچ‌اهالی هلاک و باشقه 93 تینچ‌اهالی یره‌لنگن.
بوگون (شنبه 4- اسد) ملی خوفسیزلیک کینگش دفتری بیر توییت یازیب ایتیشیچه، طالبان گروهی اوتگن هفته‌ده 401 هجوم اویوشتیرگن.
ملی خوفسیزلیک کینگش دفتری نینگ اعلامیه‌سی اساسیده، اوتگن هفته‌ده کوپینچه تلفات نی هلمند، بادغیس و غور ولایتی نینگ تینچ‌اهالیسی کورگن.
تینچ اهالی تلفاتی کوپه‌یگن بیرحالده، ملی خوفسیزلیک کینگش دفتری طالبان گروهی نینگ تعهدسیزلیک‌که عیب‌لب ایتیشیچه، بو گروه نینگ هجوم‌لری باعث تینچ‌اهالی تلفات کوره‌دی.
طالبان گروهی ملی خوفسیزلیک کینگش دفتری نینگ گزارشی توغریسیده حاضرگچه عکس‌العمل کورستمه‌گن.
شونینگدیک افغانستان تینچلیگی بوییچه آمریکا خاص نماینده‌سی زلمی خلیلزاد بیر ییغینده ایتیشیچه، افغانستان ده زوروانلیکلر کوپه‌یگنیدن آمریکا «ناراضی» دیر.
اوتگن کون (جمعه 3- اسد) آمریکا تینچلیک انستیتیوتی میزبانلیگیده یولگه قوییلگن ییغینده خلیلزاد نینگ ایتیشیچه، افغانستان ده زوروانلیکلر کوپه‌یشی قبول قیلینمه‌یدی. شونینگدیک مذکور ویدیویی ییغینده افغانستان، اوزبیکستان و قزاقستان ایلچی‌لری قتنشگن ایدی.
اونگه کوره، امنیتی کوچلر و تینچ‌اهالی نینگ تلفاتی اوتگن ییل گه نسبتن کمه‌یگن. خلیلزاد نینگ کوپه‌یتیریشیچه، زوروانلیکلر کوپه‌یگن بیرحالده، امنیتی کوچلر و تینچ‌اهالی تلفاتی کمه‌یگن.
جناب خلیلزاد بونده‌ی نطق سوزله‌گن بیر پیتده، ملی خوفسیزلیک کینگشی سونگی آی‌لرده زوروانلیکلر و تینچ‌اهالی تلفاتی کوپه‌یگنیدن خبر بیرگن.
