ملی خوفسیزلیک عمومی ریاستی نینگ اعلان قیلیشیچه، قطار حجت‌لرگه کوره، قندهار پولیس قومندانلیگی اوستیگه اویوشتیریلگن هجوم پاکستانده برنامه‌ریزلیک بولگن.
اوتگن کونی عصر چاغیده قندهار پولیس قومندانلیگی اوستیگه طالبان تامانیدن اویوشتیریلگن هجوم نتیجه‌سیده 12 کیشی هلاک ایتیلیب و باشقه 90 کیشی یره‌لنگن ایدی.
ایچکی ایشلر وزیرلیگی‌نینگ بیرخبرنامه آرقه‌لی اعلان قیلیشیچه، مذکور هجوم‌ده هلاک ایتیلگن‌لردن 8 ته‌سی و یره‌لنگنلردن 89 ته‌سی تینچ اهالی دیر.
ملی خوفسیزلیک عمومی ریاستی نینگ اعلان قیلیشیچه، قندهار شهری نینگ 5- جوزه‌سی اوستیگه اویوشتیریلگن تروریستی هجوم پاکستان نینگ چمن منطقه‌سیده، جای‌لشگن بیر تروریستی مرکز تامانیدن یولگه قوییلگن.
بو ریاست نینگ اعلان قیلیشیچه، مذکور هجوم پاکستانده بولگن ملاآغا ناملی کیشی تامانیدن مدیریت ایتیلگن.
ملی خوفسیزلیک ریاستی نینگ کوپه‌یتیریشیچه، قندهارده یوز بیرگن تروریستی واقعه عامل‌لری نینگ پاکستانده‌گی آمرلری بیلن تلفونی صحبت‌لری طالبان گروهی نینگ چیگره او تامانیده حضوری بولگنی‌نی اثبات‌لیدی.
ملی خوفسزلیک اداره‌سی نینگ اعلان قیلیشچه، طالبان گروهی‌نی باشقه‌لر منفعتی اوچون فعالیت قیلیشی ینه‌بیرمرته اثبات‌لندی و فعالیت‌لری چیت‌ایللیک مملکت‌لر آرقه‌لی مدیریت ایتیله‌دی.
اوشبو ریاست نینگ کوپه‌یتیریشیچه، بو توغریده ایشلرنینگ دوامی بار و تیزلیکده جزیاتی میدیالربیلن شریک ایتیله‌دی.
جمهورلیک ریاستی بیرخبرنامه آرقه‌لی بو واقعه‌نی قاره‌لب و طالبان گروهی تینچ اهالینی اولدیریش‌گه دوام بیره‌دی دیگن.
جمهور رییس غنی نینگ ایتیشیچه، حکومت تینچلیک مصلحتی لویه‌جرگه‌ده آلینگن قرار اساسیده تینچلیک لایحه‌سینی ایلگری آلیب کیته‌دی، بیراق طالبان گروهی بو تروریستی هجوم‌نی انجام بیریش بیلن ینه‌بیرمرته اوروش‌گه دوام بیریشی‌نی اثبات قیلدی.
