لوگر ولایتی‌نینگ رسمیلری، نیچه کون ایچی‌ده ارزه ولسوال‌لیگی‌دن قوراللی طالب‌لرنی بوتونلی چیقاریش‌گه موفق بولگن‌لیک‌لرینی ایتگن‌لر.
مذکور ولسوال‌لیکده دولت قوراللی مخالف‌لری و ملی کوچلر اورته‌سیده دوام ایتگن اوروشده ایکی تامان‌گه هم تلفات ییتگنی ایتیله‌دی.
میدان وردک و لوگر ولایت‌لری پیاده کوچلر لوا قوماندانی عبدالرازق ساپی نینگ ایتیشیچه، تورت کون دوام ایتگن مذکور اوروش بوگون طالب‌لر شکست بیریلیشی بیلن اوز پایانی‌گه ییتگن.
جناب ساپی، چمه‌سی 600 کیشی‌دن عبارت قوارل‌لی طالب‌لر مذکور ولسوال‌لیک‌نی تصرف قیلیش اوچون سعی حرکت آلیب بارگن‌لر. اما، ملی کوچلر مقاومتی‌گه روپه‌ره بولیب شکست ییگن‌لر.
ساپی، اوروشده 53 نفر طالب‌لردن، 2کیشی ملی کوچ‌لردن و 6 نفر تینچ اهالی هلاک بولگن‌لیگینی ایتگن. شونینگ‌دیک جنگ‌ده جنگری‌لرنینگ 30 نفر و 13 کیشی تینچ اهالی ایسه یره‌لنگنی ایتیله‌دی.
ارزه ولسوال‌لیگی نینگ یشاووچی‌لری و ولایت کینگش اعضالری‌نینگ سلام وطندارگه ایتیشلریچه، اوروشده 30گه یقین یشش بنا و ولسوال‌لیگی‌نینگ بازاری اورته‌دن کیتگن.
عین‌حالده، قوراللی طالب‌لر مذکور ولسول‌لیک‌نینگ ایریم منطقه‌لری اداره‌لری آستیگه ایکن‌لیگینی ادعا قیلماقده‌لر. شونینگ‌دیک مذکور گروه دولت کوچلریگه آغیر تلفات ییتکزگن‌لیک‌لرینی ایتگن‌لر.
عین حالده، جمهور رییس غنی رمضان مبارک آیی مناسبتی بیلن یولله‌گن پیام‌ده قوراللی طالب‌لردن تینچ‌لیک لایحه‌سیگه قوشیلیب، اوروش‌دن قول کوتاریشلرینی سوره‌گن ایدی.
