عبدالله عبدالله و اشرف غنی آره‌سیده بولگن سوزلشوولر نتیجه‌سیز یکونلنگنی‌دن سونگ، مملکت وضعیتی جدی قیین‌چیلیکلر بیلن روپه‌ره بولگن.
عبدالله عبدالله سیلاو تیمی اعضالریدن بیری فضل‌احمد معنوی نینگ توییتر صحیفه‌سیده یازیشیچه، تحلیف اوتکزیش و جمهورلیک ریاستی اعلان قیلیش شوخ‌لیک ایمس ایدی و همه‌شمول حکومت تشکیل ایتیله‌دی.
جناب معنوی نینگ ساخته‌کارلیک نتیجه‌نی قبول قیلگن مملکت‌لر و تشکیلات‌لردن تنقید قیلیب ایتیشیچه، تینچلیک و سیلاو جنجل‌لری فرقلی دیر.
بیرلشگن ملت‌لر تشکیلاتی بوییچه امریکا نینگ دایمی نماینده‌سی کلی نایت کرافت نینگ اوتگن کونی بیرلشگن ملت‌لر تشکیلاتی نینگ خوفسیزلیک ییغینیده ایتیشیچه، افغانستان رهبرلری نینگ هرتامانلمه حکومت ایجاد قیلمه‌گنی باعث، آمریکا یاردم‌لریدن 1 میلیارد دالرینی کمه‌یتیرگن.
خانم کرافت نینگ ایتیشیچه، افغانستان رهبرلری هرتامانلمه حکومت تشکیل بیریشی خصوصیده کیلیشیب و تینچلیک خصوصیده سعی و حرکت قیلگن صورتده، آمریکا نینگ اولردن حمایت قیلیب و یاردم‌لرنینگ کمه‌یتیریلیشی خصوصیده تجدید نظر قیلیشی ممکن.
عین‌حالده، افغانستان یشاوچی‌لری مملکت حاضرگی وضعیتیدن خواطر بیلدیریب و افغانستان رهبرلریدن سیاسی جنجل‌لرینی حل قیلیش‌لرینی سوره‌گنلر.
بوتوغریده ارگ و سپیدار فکرینی آلیش اوچون سعی و حرکت قیلدیک؛ بیراق موفق بولمه‌دیک.
