افغانستان معارف وزیرلیگی و قطار ایچکی و تشقی اداره‌لرنی آره‌سیده اورگتیش صفتی و ظرفیتی‌نی یوقاری کوتریش مقصدی بیلن 17 همکارلیک کیلیشوونامه گه قول قوییلدی.
بوگون «پنجشنبه» کابل‌ده اوشبو کیلیشوونامه‌لرگه قول قوییش چاغیده معارف وزیرلیگی سرپرستی میرویس بلخی نینگ ایتیشیچه، اوشبو کیلیشوونامه‌لرگه محلی درسی صنف‌لر ایجاد قیلیش، سواد اورگتیش، کمپیوتر اورگتیش کورس‌لری، سیناو تیستی، یشش محیط و تینچلیک خصوصیده معلومات بیریش شامل بوله‌دی.
اوشبو کیلیشوونامه‌لرنی ارزشی 15 میلیون و 400 مینگ دالرگه ییتیشه‌دی و 77 مینگ‌دن آرتیق اوقووچی ایرکین شکلده اوندن فایده‌لنه‌دی.
عین حالده، باله‌لردن حمایت قیلووچی اداره باشلیغی انوون مینن، افغانستان معارف وزیرلیگی بیلن همکار خلق ارا اداره‌لری نماینده‌لیگی‌دن بو کیلیشوونامه‌لرگه قول قوییلیشی افغانستان معارف توزومی و باله‌لریدن دنیا جماعه‌چیلیگی نینگ حمایتی نی کورسته‌دی.
معارف وزیرلیگی سرپرستی نینگ ایتیشیچه، اوشبو کیلیشوونامه‌لر افغانستان حکومتی تامانیدن اورگتیش و تربیه‌لشنی رواجلنتیریش خصوصیده سوز بیریلگنی اوچون عمل گه آشیریلگن.
