دنیا بویلب اینگ اون یخشی اوقیتووچیلردن بیری عزیز رویش نینگ ایتیشیچه، معارف وزیرلیگی‌ده‌گی موجود سابق ذهنیت و سنتی اصول مملکت بویلب اورگه نیش و اورگه تیش یولیده‌گی ییریک توسیق سنله‌دی. بونده‌ی بیر ذهنیت موجودلیگی مملکت اورگه تیش و اورگه نیش تیزیمیگه ییریک سلبی تاثیر قویه‌دی.
جناب رویش نینگ سلام وطندار بیلن بولگن صحبتی‌ده ایتیشیچه، اوتگن اون اوچ ییل افغانستان معارف وزیرلیگی پارلاق باسقیچ وعالی فرصت ایدی. مذکور وزیرلیک اورگه‌نیش و اورگه‌تیش تیزیمینی کون ساین یخشی‌لشتیریشی لازم ایدی، اما یره تیلگن فرصت‌لر قولدن بیریلدی.
رویشگه کوره، معارف وزیرلیگی برچه کوچ و قدرت همده تشکیلاتی بودجه‌گه ایگه، لیکن اوقوچیلرنی اورگه تیش و اورگه‌نیش ساحه سیده دییرلی یوتوققه ایریشمه‌گن.
جناب رویش سوزلریده قره‌گنده، ایسکی و قدیمی اورگه‌نیش تیزیمیده اون ایکی ییل تعلیم کورگن اوقووچی قنده‌ی جامعه‌گه تاثیرلی بولیشی ممکن؟ بیزنینگ تعلیم و تربیه تیزیمی‌میز بدبین و ناامید جامعه گه تقدیم قیله‌دی.
ییچیش یول:
جناب رویش، مذکور قیین چیلیک‌نی برطرف قیلیش نینگ بیرینچی یولی، معارف وزیرلیگی سنتی اصوللردن چیقیش اوچون ینگی توشینچه بیلن ایش کورسه ممکن دیگن. سنتی ذهنیت اوزگرتیریلمه گن تقدیرده، صفتلی زمانوی اورگه تیش و اورگه نیش تیزیمی عملی ایتیلمیدی.
اونگه کوره، سنتی تعلیم و تربیه‌دن اوتیب، زمانوی باسقیچگه کیلیش اوچون متخصص و مدیریتلی شخص‌لرنی معارف چهار چوبه سیگه ییغیش بیلن عملی بوله دی.
رویش نینگ تاکیدلب ایتیشیچه، مملکت اورگه‌تیش تیزیمیگه اصلاحات کیرتیش اساسی اوزگریش همده دایمی نظارت ایتیلیشی‌نی طلب قیله‌دی.
اوتگن اون ییل آقیمده اوقیتووچیلرنینگ سانی آشگنلیگی‌گه قره‌مسدن، افغانستان تعلیم و تربیه تیزیمیده سنتی همده صفت سیز اورگه‌تیش لایحه سی حاکملیگی دایم تنقید آسیتگه آلینگن موضوع‌لردن بولگن.
افغانستان معارف وزیرلیگی‌نینگ بیلدیریشیچه، مسلکی اوقیتووچیلرنی بولمه گن‌لیگی، اینیقسه مملکت اوزاق تومن و قیشلاقلریده ملکه‌لی اوقیتووچیلر یوقلیگی وزیرلیک اورگه‌تیش و اورگه نیش صفتی‌گه سلبی تاثیر قویگن.
حاضرگی کونده، افغانستان بویلب ایرکک و قیزلر شامل میلیونلب اوقووچی مکتب‌لرده تعلیم کورماقده.
بیش ییلدن آرتیق اورگه‌نیش کورمه گن همده هیچ بیر بولیمده تخصصی بولمه گن عزیز رویش، افغانستان‌ده‌گی خصوصی مکتب‌لردن بیری نینگ اساسچی صفتیده وارکی خلق ارا بنیادی تامانیدن دنیا بویلیب اینگ یخشی 50 اوقیتووچی ایچیده اینگ یخشی اون اوقیتووچی تنلنگن.
او، مذکور بیلشووده موفقلیککه ایریشگن تقدیرده، دنیا بویلب اینگ یخشی اوقیتووچی لقبی‌نی کسب ایتشی ممکن.
