لوگر ولایتی نینگ محمدآغه تومنیده امنیتی بیرمنبع نینگ ایتیشیچه، طالبان جنگریلریدن اونلرچه‌سی اوتگن کیچه مس‌عینک کانی نینگ امنیتی پوسته‌لریدن بیرینی اوستیگه هجوم قیلگن.
منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، امنیتی کوچلر و طالبان آره‌سیده صورت تاپگن آتیشمه‌لر عاقبتیده، پولیس کوچلریدن 8 ته‌سی هلاک ایتیلیب و مذکور پوسته طالبان نظارتیگه اوتگن.
طالبان گروهی حاضرگه‌قدر بوتوغریده فکر بیلدیرمه‌گن.
مس‌عینک کانی لوگر ولایتی نینگ محمدآغه تومنیده جایلشگن. اوشبو کان افغانستانده بولگن کته مس کان‌لریدن سنه له‌دی.
ایتیلیشیچه، طالبان جنگریلری اوتگن هفته هم اوشبو ولایت نینگ چرخ تومنیده امنیتی کوچلرنینگ بیر پوسته‌سی اوستیگه هجوم قیلگن ایدی و نتیجه‌ده ملی اردو کوچلریدن 9 ته‌سی هلاک ایتیلگن ایدی.
