افغانستان جمهور رییسی اوتگن کون کیچکی پیت اصلاحات و یخشی حکومتچیلیک بووییچه مخصوص نمایندهسی احمدضیاء مسعودنی ایشدن آلدی. بوگون خبری انجمن اوتکزگن احمدضیاء مسعود، حکومت قومی بولمسلیگینی نظرده توتیب، سیلاولر کمپاین جریانیده غنیگه قوشیلگن لیگینی تیلگه آلدی.
او، اوشبو فرمان بیکار ایتیلمهگن حالده، مملکت نینگ خوفسیزلیک و برقرارلیگی خطرگه روپه ره بولهدی دیگن.
جناب مسعود، کمینه ایشدن آلینیشی اوچون جمهور ریس غنی حقلی ایمس دیدی. او، مذکور فرمان تیز آره ده بیکار اعلان ایتیلیشی اوستیده تاکید ایتگن.
اونینگ سوزلریگه کوره، خلق بوندن آرتیق اوروش و نابرقرارلیکنی چیده آلمهیدی. «مینینگ حکومت تیزیمیدن چیقاریلیشیم افغانستاننی بحران تامان یونلتیرهدی» دیدی مسعود.
جمهور رییس غنی نینگ ایشدن آلینگن نمایندهسی، جمهور رییس غنی مملکتده نابرقرالیک و خوفسیزلیک اوچون شرایط یرهتیشگه سعی و حرکت قیلهدی دیدی.
موضوعنی اورگه نیب محاکمه قیلیش نیّتده بوتون ولایتلردن طرفدارلری، مدنی فعاللر، قوم بویوکلری و سیاستچیلر پایتخت کابل کیلماقدهلر دیگن او.
جناب مسعود، مساله توغریسیده جریانگه قوییلمهگن حتی حکومت نینگ اجراییه ریاستی باشلیغی عبداللهعبدالله نینگ هم هیچ قندهی ارهلشووی بولمهگن لیگینی تیلگه آلدی. «موضوع بیر کیشی توریب بوتون ملت اوستیگه اوز ایستگینی مجبوراً قبول قیلدیرماقچی بولهدی» دیدی جناب مسعود.
او، حکومت بو خطاسینی جبران ایتیشی توغریسیده آگاهلنتیرگن. حکومت خطاسینی تَن آلمهگن حالده، ایشدن آلینیشی بیلن اورتگه کیلهدیگن هر قندهی مسوولیت اوچون حکومت جوابگر دیگن.
احمدضیاءمسعود 1360ییلدن 1371- ییلگه قدر افغانستان ملی قهرمانی احمدشاه مسعود و جمعیت اسلامی حزبی نینگ مخصوص نمایندهسی صفتیده پاکستانده وظیفه بجرگن. مجاهدلر کامیاب بولگندن کیین او مجاهدلر رهبری برهان الدین ربانی نینگ مصلحتچیسی صفتیده تعیین بولدی.
جناب مسعود، میلادی 2004- ییلده افغانستانده اوتکزیلگن جمهور رییس لیک سیلاولرده حامدکرزی نینگ بیرینچی اورین باسری اولهراق خذمت قیلدی. سونگ او افغانستان ملی جبههسی رهبرلیگینی ذمهسیگه آلدی. شونینگدیک جناب مسعود میلادی 2014- ییلده اوتکزیلگن جمهور رییس لیک سیلاولرده زلمی رسول نینگ بیرینچی اورین باسری صفتیده اونینگ تیمیگه قوشیلگن ایدی.
عین حالده، میلادی 2014- ییلده جمهور رییس لیک سیلاولرنینگ ایکینچی دوری جنجاللرگه دوچار بولگن بیر پیّتده اشرف غنی یانیده توریب تحول و تداوم تیمیدن حمایتینی اعلان قیلدی.
