مرسل ایکینچی بریدمن درجه سی بیلن ایکی ییل دن بویان مملکت حربی عیال لری گه تعلیم بیره دی. مرسل نینگ آته سی حربی منصبدارلریدن بیری بولیب قویاش 1389- ییل بیر خودکش هجوم نتیجه سیده هلاک بولگن.
مرسل نینگ ایتیشیچه، اوشه زمانده آته سینی کوریب حربی منصبی گه علاقه باغله گن؛ بیراق هیچ قچان حربی صفی گه قویلیشی خصوصیده اویلمه گن و قوراللی طالب لر تامانیدن اولدیریلگنی دن کیین، مرسل نینگ فکری و مقصدی اوزگرگن.
ادبیات بولیمی گه اوقیگن اوشبو حربی عیال نینگ ایتیشیچه، کییمی و حربی وظیفه سی اوزیگه مقدس دیر و حربی کوچلر صفیگه وظیفه بجریشی دن فخرلنه دی.
ملالی اورگه تیش کندکی اوچینچی تولی قومندانی صفتیده وظیفه قیلیب کیله دیگن مرسل نینگ ایتیشیچه، آرزولریدن بیری حربی ایرکک لری دیک حربی کییم بیلن خیابان لرده قدم اوروش دیر.
مملکت عیال لریدن کوپینچه سی اویدن تشقری فعالیت قیله دی، بیراق عایله لری تامانیدن حمایت بولمه یدی. اوشبو حمایت سیزلیک بیر عیال مملکت حربی کوچلری تیزیمی گه کیرگن چاغده کینگیه دی. مرسل قرینداشلرینی ایچیده بیرینچی عیال بولیب درس اوقیب اوی دن تشقری حربی صفی گه ایشله یدی.
خانم مرسل نینگ جماعه توشینچه سی توغری سیده ایتیشیچه، دستلب دوست لری و رقیب لری تامانیدن نیچه مرته کم سیتیلگن؛ بیراق زمان اوتیشی بیلن کوپینچه کیشی لرنینگ توشینچه سی اوزگریب و حاضر کوپینچه سی اونگه حرمت قایل بوله دی.
دیمک مرسل حاضرگه قدر اوروش میدانیده اوروشمه گن، بیراق اورغولشیچه، نیاز بولگن صورتدهف بار توانی بیلن اوروش میدانیده اوروشه دی.
شونینگدیک مرسل برچه عیال لردن حربی صفی گه قوشیلیش لری و هیچ بیر نرسه دن قورقمس لیک لرینی سوره یدی.
