بوگون پنج‌شنبه کابل‌ده بیر قطار مدنی فعال‌لر خبری ییغین اوتکزیب، دهمزنگ چهار راه‌سی‌گه ایکینچی اسد شهیدلر چهاراهه‌سی دیب نام بیریلیشی اوچون جمهور رییس‌نینگ سونگی آلگنی قراری افغانستان قوم‌لری ایچیده بیرلیک‌نی اورته‌دن کوتاره دی دیگن‌لر.
ییغین‌ده سوزله‌گن مدنی فعال عطاالله حیران‌نینگ ایتیشیچه، دهمزنگ حادثه‌سی بیر قوم‌گه تیگیشلی ایمس. اونینگ سوزلریگه کوره بو قیغولی حادثه بوتون افغانستان قوم‌لریگه تیگیشلی بولگنی سبب مساله جدی تیکشیریلیشی کیره‌ک.
شونینگ‌دیک جناب حیران، جمهور رییس دهمزنگ حادثه‌سیدن کیین بو چهاراهه گه شهیدلر چوکی دیب نام بیریشی قومی تعصب‌نی آشیشی‌گه باعث بوله‌دی.
انه شو سبب او یاروغلیک حرکتی‌دن جمهور رییس‌نینگ بو فرمانی‌گه سلبی جواب بیریش لرینی سوره گن.
عین حالده، قوم یاش اولوغلریدن بیری حاجی صبور، دهمزنگ حادثه‌سی شهیدلر نامی‌گه بیر شهرچه قوریلیشی‌نی تکلیف ایتگن.
اونگه کوره، دهمزنگ چهار راهه‌سی یاروغلیک حرکتی شیهدلری نامگه قوییلیشی مملکت قوم‌لری اورته‌سیده فاصله ایجاد قیلیش‌گه باعث بوله‌دی.
بونگه قره‌می، اوشبو قوم بویوک‌لری همده مدنی فعال‌لر ییغین جمهور رییس‌لیک سرایی‌گه مذکور دهمزنگ نامی اوزگریلیشی صادر قیلگن فرماننی رد قیلیش نی سوره‌گن‌لر.
اولرگه کوره، جمهور رییس‌لیک سرایی مساله اوچون اعتبار بیرمه‌گن حالده، ییریک ییغین اوتکزیب تاریخچی‌لرنی چقیریش‌لری باره‌سیده آگاهلنتیرگن‌لر.
