افغانستان مدنی جماعه‌چیلیک اعضالری، قندوزنی طالب‌لرگه تاپشیرگن کیشی‌لر محکمه بولیشینی سوره‌یدی. اولرگه کوره، قندوز شهری حکومت ایچیده‌گی تشکیلات‌لر معامله‌سی باعث، طالب‌لرگه تاپشیریلگن.
اصلاح تغییر اوچون فعال یاشلر ترماغی مسؤول‌لری، اجتماعی عدالت مدنی حرکتی و افغانستان مدنی جماعه‌چیلیک اعضالری، قندوز شهری طالبلر قولی‌گه اوتگنی توغری‌سیده چهارشنبه کون بیر خبری ییغین اوتکزیب، مذکور شهرنی طالب‌لرگه تاپشیرگن کیشی‌لر محکمه بولیش‌لرینی سوره‌گن.
اصلاح و تغییر اوچون فعال یاشلر ترماغی باشلیغی محمدسنگر امیرزاده‌نینگ بو ییغینده ایتیشیچه، قندوز شهری سقوط ایتمه‌گن، بلکیم معامله بیلن طالب‌لرگه تاپشیریلگن. اونینگ ایتیشیچه، حکومت ایچیده‌گی تشکیلات‌لر قندوزنی طالب‌لرگه تاپشیرگن و بو کیشی‌لر تانیلیب محکمه بولیش‌لری لازم.
افغانستان مدنی جماعه‌چیلیک فعال‌لریگه کوره، جمهور رییس‌نینگ ایکی کوندن بویان قندوز شهری قیته آلینیشی خصوصیده عملیات قیلیش‌گه رخصت بیرمه‌گنی سوراق توغدیره‌دی.
شونینگ‌دیک اجتماعی عدالت مدنی حرکت مسؤول‌لری، امنیتی رسمی‌لر دقت سیزلیگی و امنیتی کوچلر اورته‌سیده بولگن اویغورسیزلیک‌نی قندوز شهری سقوطی اصلی عاملی دییدی.
اوشبو حرکت مسؤولی احمد ذکی‌نینگ سلام‌وطندارگه ایتیشیچه، «ایشی‌گه دقت قیلمه‌گن کیشی‌لر عدلی و قضایی اداره‌لرگه تانیشتیریلیشی لازم».
مدنی جماعه‌چیلیک اداره‌لری، بیر اعلامیه ترقه‌تیب ایکی تامان اوروشچین‌لریدن خلق اویلرینی سپر قرار بیرمسلیک‌لرینی سوره‌دی.
مذکور اداره‌لر اعلامیه‌سیده کیلیشیچه، امنیتی کوچلر تامانیدن قندوز شهری یشاوچیلری‌نینگ دارایی‌لری سقلنیشی خصوصیده چاره تدبیر کوریلیشی لازم.
