سیاسی حزب‌لر، مدنی و اجتماعی اداره‌لر اوتگن و حاضرگی تیزیم‌ده اداری فسادگه قولی بار شخص‌لر محاکمه ایتیلیشی‌نی سوره‌گن‌لر. اوشبو اداره‌لرنینگ مسووللری بوگون کابل‌ده بیر ییغین اوتکزیب، مدیریت ضعف‌لیگی، شفافیت و مسووللرنی حساب بیرمس‌لیگی مملکت‌ده اداری فسادنینگ ییریک عامل‌لریدن دیگن‌لر.
مذکور مسووللرگه کوره، قومی مافیا و سیاسی قدرت ایگه‌لری حکومت‌نی اوز تاثیرلری آستیگه آلگنی سبب دولت‌نینگ اقتداری اورته‌دن کیتگن. اولر، دولت و جامعه اورته‌سیده کون ساین فاصله کوپه‌یشی‌نی ایتگن‌لر.
مذکور اداره رسمیلری نینگ آگاهلنتیریشیچه، موجود وضعیت شونده‌ی دوام تارتگن حالده، بولر کوتیلمه‌گن تدبیرگه قول اوره دیلر اونینگ مسوولیتی ایسه ملی بیرلیک حکومتی رهبرلری‌نینگ ذمه سیده دیر. شونینگ بولر مذکور ییغین‌ده اون ماده‌لیک بیر قطعنامه اوقیب قندوز واقعه‌سی عامل‌لری محاکمه ایتیلیشی باره‌سیده تاکیدله گن‌لر.
امنیتی کوچلرنی جهازله‌نیشی، افغانستان فقراسینی مملکت ایچکری و تشقری‌سیده حمایت قیلیش، تشقی و ایچکی سیاست‌نینگ یاروتیلیشی، شفاف سیلاو اوتکزیلیشی و سیلاولر تیزیمی‌گه اصلاحات کیریتیش اوچون اون ماده لیک طرح نی عملی ایتیلیشی مذکور اداره‌لرنینگ باشقه ایستکلری جمله‌سیدن.
شونینگ‌دیک بوگون سنا مجلسی‌نینگ بیر قطار اعضالری مملکت‌ده اداری فساد و امنیتی وضعیت یامان له‌نیشی توغریسیده خواطر بیلدیرگن‌لر.
مجلس‌نینگ اعضالریدن بیری داوودغفاری فسادچی‌لر بیلن جدی مبارزه بولیشی اوستیده اورغولب فساد عامل‌لری جزاله‌نیشی ایتگن. جناب غفاریگه کوره، حکومت اداری فسادگه قرشی کوره‌شیش اوچون کوچلی اراده گه ایگه ایمس و بو مساله ایسه فسادچی‌لرنی روحیه‌سی قوت له‌نیشی‌گه باعث بولگن.
افغانستان‌ده اداره فسادنی ایلدیزدن یوق قیلیش حاضرگی و اوتگن حکومت بلند مرتبه‌لی رسمیلری بیرینچی تعهدلریدن بولگن، اما فسادنی تیکشیرووچی اداره‌لرنینگ حساباتیده هنوز هم افغانستان دنیا بویلب فسادگه باتگن مملکت‌لردن سنه‌له‌دی.
